Jafnrétti stundum, fyrir suma?

Hvort vill fólk jafnrétti kynjanna eða ekki?

"Að sögn Inga tekst ekki að jafna kynjahlutföllin á þennan hátt, því að undanfarin ár hafa stelpur verið 60% nýnema í skólanum"

Er það jafnrétti? Ég sé ekki betur en hallað sé á strákana. Það er margsannað að stúlkur þrokast hraðar en strákar og þess vegna kemur ekki á óvart að:

"Það er erfitt að nefna tiltekna lágmarkseinkunn en við röðum umsækjendum upp og tökum svo efstu 260 inn í skólann. Í þeim hópi eru stelpur í miklum meirihluta,“ segir Ingi Ólafsson, skólastjóri Verzlunarskólans."

Stúlkurnar eru í "miklum meirihluta" þeirra efstu. Ef þessu væru öfugt farið og 60% nýnema væru strákar, hvað myndi þá "móðir stúlku" segja? Húin myndi jú auðvitað láta öllum illum látum og væla og veina um að það þyrfti að vera jafnrétti meðal kynjanna og að skólinn ætti að taka inn 50% stráka og 50% stelpur, alveg óháð einkunnum. 

Annað hvort er jafnrétti kynjanna á Íslandi eða ekki. Það er ekkert annað en hræsni að vilja jafnrétti og kynjakvóta en bara þegar það er öðru kyninu í hag. Þegar hallað er á konur með einhverjum hætti þykir alveg sjálfsagt að hafa reglur og kvóta til að vega upp misræmið. Af hverju er það ekki alveg eins sjálfsagt þegar hallað er á karlmenn?

Karlar ættu að standa upp gegn þessu misrétti og heimta að jafn margir strákar fái ingöngu í Versló og stelpur. Ég veit að komur myndu rísa upp ef þessu væri öfugt farið. Getur verið að karlmenn séu að verða annars flokks? 

 

 

Strákum duga lægri einkunnir

Athugasemdir

[Garðar Valur Hallfreðsson, 12.6.2012 kl. 20:01]

Reyndar sýnist mér fréttin vera einfaldlega að segja frá þessu, ekki leggja dóm á neitt.  Aftur á móti er sá hluti greinarinnar sem fjallar um móður einnar stúlku sem ekki komst inn í Versló, en skiljanlega var hún sár, sennilega sárust yfir því að dóttir hennar komst ekki inn í Versló vegna kynjakvóta.  Að sjálfsögðu vita heilvita menn að ef það á að líðast raunverulegur kynjakvóti á Íslandi þá virkar það báðu megin, sama á hvort kynið hallar.  Ég styð persónulega jafnrétti sama hver á í hlut, mér sýnist þú gera það líka  :)

[Ragnar (IP-tala skráð) 13.6.2012 kl. 15:31]

Það er stundum talað um jákvæða mismunun. Ég vissi ekki að hún byrjaði svona snemma - og væri til þess að hygla strákum.

Þess má geta að stúlkur standa sig betur í námi að meðaltali alla leið upp í háskóla og útskriftareinkunnir þeirra úr háskóla eru að meðaltali hærri en pilta. Það útskrifast líka mun fleiri konur en karlar.

Hvers vegna eru þær þá ekki með hærri laun en karlar? Ættu auðvitað að vera það.