Er manneskjan heimsk, eða fluggáfuð?

Lilja segir að lækka verði vexti og tryggingargjald. Það er allt gott og blessað, lægri vextir kæmu sér vel fyrir heimilin og atvinnulífið.

En svo segir hún að það eigi að hóta fjárfestum öllu illu...

Annað hvort er Lilja það heimsk að hún skilur ekki að til þess að vextir séu lágir  þarf að skapa umhverfi sem er þannig að þeir sem fjárfesta sjái sér hag í því að lána peninga og geti ekki búist við að eignir þeirra verði færðar niður um 80% með einu pennastriki, eða kannski er Lilja miklum gáfum gædd...

Ég held að Lilja skilji þetta ósköp vel. Það sem meira er skilur hún hvað fólk vill heyra. Hún veit að hún getur komist upp með að tala svona vegna þess að það fer vel í suma, og skítt með það hvort einhver skynsemi liggi að baki eða ekki.

Lilja er stjórnmálamaður og hún gerir greinilega það sem þarf til að snúa sumu fólki á sveif með sér. Vonandi eru það samt ekki margir sem láta blekkjast og skilja að þeir sem tala í einu orðinu um að lækka vexti og í hinu um að hóta fjárfestum öllu illu tala tungum tveim.

Vill hóta eigendum snjóhengjunnar

Fullkomin uppgjöf

Af hverju ekki bara viðurkenna að vaskurinn er allt og hár og lækka hann? Þar sem skattpíning er óhófleg leitar fólk annarra leiða og kaupir og selur svarta vinnu. Væri ekki nær að hafa réttlátt og gangsætt kerfi þar sem fólk borgar sína hóflegu skatta með glöðu geði?

Auðvitað verður það líklega aldrei hægt vegna þess að bruðlið í ríksigeiranum krefst hárra skatta...

Átakið „Allir vinna“ í breyttri mynd

Getur einhver hjálpað mér að skilja þetta?

Ef einhver ætlar að leigja jörð af einhverjum, af hverju gerir hann það þá ekki án þess að sveitarfélög séu að blanda sér í málið?

Til hvers er sveitarfélagið að kaupa jörðina?

Af hverju leigir eigandin hana ekki beint til Nubo?

Síðan hvenær er það hlutverk sveitarfélaga að stunda svona viðskipti?

Hver hefur mestan hag af þessu (umfram það að Nubo leigji beinta af núverandi eiganda), útsvarsgreiðendur á þessu svæði, núverandi eigandi jarðarinnar, og eða Nubo?

Er þessi díll hagstæðari fyrir eiganda jarðarinnar en ef hann leigði jörðina milliliðalaust út? 

Er ekki einhver skítafýla af þessu öllu saman?

Bæjarstjórinn er bjartsýnn

"Fínn" þjófnaður frá lífeyrrisjóðum?

"Lilja segir að jafnframt væri nauðsynlegt að nota upptöku Nýkrónunnar til að laga innra ójafnvægi hagkerfisins sem felist í því að sumir eigi alltof miklar eignir, t.d. fjármagnseigendur og lífeyrissjóðir, og aðrir séu of skuldsettir. „Við upptöku Nýkrónunnar þyrfti að skrifa húsnæðisskuldir þannig að 10 milljón kr. lán í núverandi krónum yrði 8 milljónir í Nýkrónu og lækka eignir fjármagnseigenda til samræmis.“"

Þetta er fín aðferð til að stela frá sumum en gefa öðrum. Ef ég er með þúsund krónur í vasanum og Lilja með 100 krónur, þá vill hún bara breyta peningunum mínum í 500 nýkrónur er hundraðkallinn hennar skal heita 600 nýkrónur. Hún vill sem sagt stela 500 krónum frá mér með því að finna upp einhverja nýkrónu. Af hverju rotar Lilja mig ekki bara og tekur 500 kall? Væri það kannski of hrein og bein aðferð fyrir manneskju af hennar toga? Er nauðsynlegt fyrir manneskju með hennar bakgrunn að finna upp einhverja fínni aðferð svo að hún geti rænt mig með bros á vör?

Ef hún vill taka fé fólks sem hefur sparað og nota það til að borga þeim sem reistu sér hurðarás um öxl með því að kaupa allt of mikið á bólutímanum, hús, sumarbústaði, jeppa, etc. etc. etc... ættu hún bara að segja það. Ef hún vill stela frá þeim sem spöruðu og treystu sér ekki til að kaupa húsnæði og nota peningana til að verðlauna þá sem gerðu það, þá ætti hún bara að koma til dyranna eins og hún er klædd (allsber eftir því sem ég fæ best séð) og segja að hún ætli að stela frá sumum til að gefa öðrum. 

Að lokum langar mig til að vita hvað þeim sem hafa á langri starfsævi lagt stórar fjárhæðir inn í lífeyrrisjóði finnst um fullyrðingu Lilju um að lífeyrrisjóðir eigi allt of miklar eignir? Finnst þeim sjálfsagt að Lilja hirði úr þeim það litla sem eftir er og gefi þeim sem tóku lán fyrir stórum einbýlishúsum og jeppum? 

 

Samstaða vill taka upp Nýkrónu

Mikill léttir

Það er þungu fargi af mér létt þegar ég sé þessa góðu frétt. Það vita það allir að svona starfsemi fylgja talsverðar tekjur til handa þeim sem við hana vinna. Slíkt hefði í för með sér ójöfnuð milli þeirra sem ekki fá vinnu við verið og hinna sem fá slíka vinnu. Það er auðvitað alveg ólíðandi og betra að viðhalda sem mestum jöfnuði.

Það ber einnig að líta til þess að þeir sem fá svona störf eru síður líklegir til að þurfa að leita náðir velferðarkerfisins en þeir sem eru ekki með vel launaða vinnu. Betra er að hafa sem flesta upp á velferðina komna, því að þeir sjá sér þann kost vænstann að greiða þeim atkvæði sem vilja viðhalda núverandi ástandi en forðast að styðja þá sem gætu stuðlað að ójöfnuði.

Mér þykir vænt um að sjá að ríkisstjörnin hefur staðið sig í stykkinu og stoppað þetta af. Takk, Jógríma.

Greenstone hættir við gagnaver

Menntað fólk flýr lág laun, skattalega áþján og höft.

Hver vill strita við að afla sér menntunar, stunda síðan erfiða og ábyrgðarfulla vinnu en fá svo lúsarlaun og háa skatta? Það tekur því ekki að efla menntakerfið ef allir sem mennta sig til verðmætra starfa flytja síðan til útlanda. Það þarf að skapa umhverfi á Íslandi þar sem fólk sér sér hag í því að vinna. Háir skattar og höft er ekki þannig umhverfi.

Æpandi eftirspurn eftir starfsfólki

Er búið að reka nemendurna?

Þessir nemendur hafa greinilega sterk tengsl við "klámiðnaðinn" úr því þeim hefur tekist að grafa upp myndband með leikara sem líkist kennara í skólanum... Ef eitt á yfir alla að ganga hlýtur að þurfa að senda þessa nemendur í leyfi. Ef kennarinn lék í klámmynd áður en hann hóf störf við skólann er varla mikið við því að segja. Ekki er slíkt athæfi andstætt lögum, frekar en athæfi nemenda og annara kennara við skólann sem tengjast þessum iðnaði meðan á skólastarfi stendur með þessu áhorfi...

Kennari í klámiðnaði

Af hverju borðar fólk þetta eitur?

Af hverju kaupir fólk þetta eitur? Nú á tímum þegar auðvelt er að afla sér upplýsinga um alla skapaða hluti ætti öllum að vera ljóst að aspartame er ekkert annað en eitur. Kaupir fólk þetta efni til að styrkja Donald Rumsfeld?

"I have been reading up on this strange chapter in the history of Donald Rumsfeld and have learned two things. One, the chemical additive aspartame is very potentially a cancer and brain tumor-causing substance that has no place in our food. And two, the reasons and means by which Rumsfeld helped get it approved are nefarious at best, criminal at worst."

"Dr. John Olney, who founded the field of neuroscience called excitotoxicity, attempted to stop the approval of aspartame with Attorney James Turner back in 1996. The FDA's own toxicologist, Dr. Adrian Gross told Congress that without a shadow of a doubt, aspartame can cause brain tumors and brain cancer and that it violated the Delaney Amendment, which forbids putting anything in food that is known to cause cancer. According to the top doctors and researchers on this issue, aspartame causes headache, memory loss, seizures, vision loss, coma and cancer. It worsens or mimics the symptoms of such diseases and conditions as fibromyalgia, MS, lupus, ADD, diabetes, Alzheimer's, chronic fatigue and depression. Further dangers highlighted is that aspartame liberates free methyl alcohol. The resulting chronic methanol poisoning affects the dopamine system of the brain causing addiction. Methanol, or wood alcohol, constitutes one third of the aspartame molecule and is classified as a severe metabolic poison and narcotic. How's that Diet Coke treating you now?"

http://www.huffingtonpost.com/robbie-gennet/donald-rumsfeld-and-the-s_b_805581.html

Heldur fólk virkilega að það grennist ef það borðar þetta ógeð? Er "fólk" einaldlega almennt treggáfað eða á góðu máli, "stúpid"? Ég bara spyr.

Að lokum, gengur einhver ennþá með þá grillu í huganum að úr því að "yfirvöld" leifa þetta, þá hlýtur þetta að vera í lagi? Treystu sjálfum þér, ekki hagsmunaðilum út í bæ sem kalla sig yfirvöld.

Aspartame getur leitt til þyngdaraukningar

Lífið er þjáning...

Lífið er þjáning

Ástæða þjáningar er tenging "attachment" við tímabundna hluti og skortur á skilning um að varanleiki er ekki til. Allt er stöðugt að breytast og endurskapast.

Það er hægt að losna við þjáningu. Með því að rjúfa tengslin við það sem er ekki varanlegt er hægt að losna við þjáninguna.

Til er vegur sem leiðir til þess að þjáningum lýkur. Þetta kenndi Buddha fyrir 2500 árum síðan.

 

Guðrún. Sestu niður í ró og næði, andaðu, fylgdu andanum í huganum. Ef þú finnur reiði, taktu eftir því og segðu við sjálfa þig, þetta er reiði. Gefðu hana síðan frá þér og taktu eftir öðrum tilfinningum eða hugsunum sem koma upp. Kíktu hérna ef þig langar til að vita meira:

http://www.dhamma.org/

Og hér

http://www.thebigview.com/buddhism/fourtruths.html

Þú ert frjáls, og það hefur enginn vald yfir þér nema þú sjálf, allra síst einhver klúr kall sem sendi þér einhvern tíma bréf... Hann er ekki varanlegur, ekki bréfin, og ekki þú sjálf heldur. Þú hefur ekki tíma til að láta þetta skemma lífið þitt. Líttu í kringum þig. Er eitthvað hér og nú sem kemur í veg fyrir að þér líði vel?

„Ég er komin með nóg“

Ónýtt land? Ónýtt kerfi? Ónýt sendiráð? Hvar er Jóhanna?

Ef einhver dugur væri í stjórnvöldum þessa lands væri þetta dæmi nýtt til þess að taka til í kerfinu og búa til jarðveg sem er vinsamlegur íslenskum iðnaði og nýsköpun. Ef Ísland á að ekki að fara sömu leið og Grikkland þurfa íslendingar að skapa verðmæti. Það dæmi sem tekið er fyrir í þessari frétt er kannski ekki stórt í hinu víðara samhengi en það bendir á galla í kerfinu sem gætu staðið þjóðinni fyrir þrifum. 

Það þarf að fara í gegnum þetta lið fyrir lið, skoða hvað hefur brugðist og laga það. Ef sendiráð eru ekki fær um að gegna hlutverki sínu á að loka þeim og spara þannig stórfé. Ég hef aldrei skilið hvers vegna 300.000 manna þjóð er með sendiráð út um allt. Ég hélt að tilgangurinn væri að aðstoða íslendinga.

Ef ráðuneyti standa sig ekki í stykkinu á að taka þar til, jafnvel þó að það kosti að einhver möppudýr missi vinnuna. Hvers vegna hafa íslendingar ekki innleitt tilskipan Evrópusambandsins um alþjóðlegt flutningsnúmer?  Hver ber ábyrgð á þessum aulagangi? Er hann eða hún á kaupi hjá skattgreiðendum?

Af hverju þarf allt að vera svo öfugsnúið og vitlaust á Íslandi? Hvers vegna var fólki sem framleiddi ekkert annað en skýjaborgir og svikamyllur hampað og stutt með ráð og dáð en steinar eru lagðir í götu þeirra sem skapa raunveruleg verðmæti?

Jóhanna Sigurðardóttir er forsætisráðherra og þetta er að gerast á hennar vakt. Vonandi tekur hún til í þessu strax. Það sem heimilin í landinu þurfa eru vinna og tekjur. Velferðin verður ekki borguð með froðusnakki nema til skamms tíma. Það kemur að skuldadögum.  Þjóð sem þarfa að flytja jafn mikið inn og íslendingar af mat, iðnaðarvörum og lyfjum þarf að hafa sterkan iðnað og útflutning.

Skóævintýri í tollinum