Hugmyndafræði aumingjans

Þarna opinberast hugmyndafræði aumingjans í öllum sínum ömurleika. Fólk á ekki í sig og á, og það á ekki þak yfir höfuðið segir hann. Hvað vill þessi maður þá gera til að hjálpa því. Skapa atvinnu svo að fólkið geti haldið sinn sjálfsvirðingu og unnið fyrir sér? Stuðla að sparnaði þannig að fjármagn verði til fyrir uppbyggingu sem kemur öllum til góða?

Nei, ekki aldeilis. Það skal kreysta síðustu krónurnar úr hnefa þeirra sem hafa sýnt ráðdeild og skynsemi og gefa, já gefa hinum sem eru í vanda. Þeir sem eitthvað sparifé eiga á Íslandi vita að það eitt að skýla því fyrir verðbólgubálinu er erfið raun. Ef fara á að taka enn meiri skatta af þessum svokölluðu "fjármagnstekjum", þá er augljóslega ekkert vit í því að vera með sparifé. 

Þetta er í hnotskurn hugmyndafræði þessa vinstri lýðs sem vill að fólk sé upp á "velferðina" komið. Þegar fólk er orðið háð velferðinni veigrar það sér við að kjósa aðra en þá sem lofa að halda áfram að stela frá sparifjáreigendum. Það gæti þá verið að mánaðarlegu peningarnir hættu að berast og þeir þyrftu aftur að fara að vinna.

Ég ráðlegg fólki að taka allar sínar krónur út úr banka, kaupa silfursjóð, grafa hann niður í garðinn sinn og láta engann vita. Að öðrum kostu eyða peningunum strax í eitthvað rugl. Það er betra en að horfa upp á verðbólgu og skatta éta þá smám saman upp. Það er best að eiga ekkert og leita síðan til Þorleifs þegar eitthað bjátar á. Hann stelur þá bara frá einhverjum öðrum og gefur þér pening.

Að lokum, ef þessu 20% fjármagnstekjuskattur væri skattur á tekjur eftir verðbólgu væri ég tilbúnn að fallast á að hann væri sanngjarn, sérstaklega ef peningunum væri varið í uppbyggingu en ekki til að stuðla að aumingjaskap. Að taka 30% skatt af vöxtum sem eru oft á tíðum lægri en verðbólga er ekkert annað en þjófnaður.

 

Hækki fjármagnstekjuskatt

Sýna sitt rétta eðli.

Hvernig ber að dæma stjórnvöld? Hvernig á að dæma þjóðir? Á að trúa áróðri um að Bandaríkin séu í forustu hvað varðar mannréttindi og aðstoð við bágstadda á hemsvísu eða á að líta á staðreyndir sem sýna hið gagnstæða? Ég kýs sjálfur að líta á staðreyndirnar. 

Staðreyndin er sú að við höfum ekkert lært af síðari heimstyjöldinni og af helförinni. Við erum alveg jafn frumstæð og grimm, eftir sem áður. Þjóðum líðst ennþá að stunda stríðsrekstur án þess að alþjóðasamfélagið taki í taumanna. Ennþá er hægt að fremja stríðsglæpi og komast hjá því að bæta fyrir þá glæpi sem hafa verið drýgðir.

 

Fæðingargallar vegna gróðureiturs