Sjötti leiðtoginn

Gleðilegt ár öllsömul, og kærar þakkir til allra sem nennt hafa að lesa þetta ómerkilega blogg.

 

Mig langar til að segja ykkur frá sjötta leiðtoganum.

Dag nokkurn sagði Hong, fimmti leiðtoginn við lærisveina sína: "Kominn er tími til að velja eftirmann minn. Semjið texta fyrir mig og ef textinn sýnir að höfundurinn hafi náð fullum skilningi mun ég veita honum skikkju mína og gera hann að sjötta leiðtoganum, fljýtið ykkur nú!"

Lærisveinarnir ákváðu að Shen nokkur sem var talinn standa fremstur skyldi semja textann. Eftir mikla umhugsun skrifaði hann:

    Líkaminn líkist visku tré

    Hugurinn sem tær spegill

    Hreinsaðu hann stöðugt

    og láttu ekki ryk safnast.

 

Meistari Hong las ljóðið en var ekki hrifinn. Lærisveinarnir töldu ljóðið snilldarverk en Hong kallaði Shen á sinn fund og mælti: "Það sem þú skrifar sýnir að þú hefur ekki náð fullum skilningi. Þú stendur við dyrnar en þér hefur ekki tekist að koma inn. Haltu áfram að reyna."

Hui, ungur lærlingur sá ljóðið og skildi strax að það sýndi ekki fullan skilning. Hann skrifaði nýtt:

    

   Í raun er ekkert visku tré

   né tær spegill

   Síðan allt er frá upphafi tómt,

   Hvar á þá rykið að safnast?

 

 Hong gerði Hui samstundis að eftirmanni sínum.

Athugasemdir

[Sigurbjörn Sveinsson, 3.1.2011 kl. 20:59]

Er þetta kínverskur exestensíalismi?

[Hörður Þórðarson, 4.1.2011 kl. 03:18]

Nei, Zen Bhuddhismi.