Dæmigerður fíflagangur

Meðan margir á Íslandi hafa ekki til hnífs og skeyðar eru Íslendingar ennþá allt of góðir til þess að veita erlendum "auðmönnum" ríkisborgararétt. Er einhver glóra í þessu, þegar Íslendingar hafa samþykkt að veita hverjum sem er frá Evrópu leyfi til að koma til Íslands, búa þar og vinna?

Ef einhver hefur ekki efni á mat á Íslandi, ekki efni á að klæða sig, ekki efni á að fara til tannlæknis, ekki efni á að keyra bíl, og svo framvegis, þá legg ég til að sá hinn sami bugti sig og beygi og þakki stjórnvöldum fyrir greiðann því þau bera svo sannarlega ábyrgð á því ömurlega ástandi sem nú ríkir.

Ég velti því fyrir mér hversu lengi almenningur á Íslandi mun sætta sig við að vera í þrældómi fyrir fólk sem hefur sambönd, vini, stundar pólitík en framleiðir ekkert annað en heitt loft og froðu meðan það leggur stein í götu þeirra sem vilja fjárfesta og byggja upp.

 

Fá ekki ríkisborgararétt

Athugasemdir

[Óskar Helgi Helgason (IP-tala skráð) 29.4.2011 kl. 20:56]

Heill og sæll; Hörður !

Vel mælt; sem þín var von og vísa, til.

Með beztu kveðjum; úr Árnesþingi /

Óskar Helgi Helgason

[Arnór Baldvinsson, 29.4.2011 kl. 20:57]

Sæll Hörður,

Ég er alls ekki svo viss um að fjárfestingar hafi verið í kortunum hjá þessu fólki.  Ef svo hefði verið hefðu þau getað sest að á Íslandi og sinnt fjárfestingum þar, það þarf ekki íslenskt ríkisfang til þess.  Mér fannst, og finnst, þetta mál sérkennilegt og tek fram að ég er fylgjandi erlendri fjárfestingu eins og framast er, en ég held þetta hafi ekkert haft með fjárfestingar á Íslandi að gera. 

Kveðja,

[JT (IP-tala skráð) 29.4.2011 kl. 21:44]

Þrátt fyrir að ég er að mestu sammála því sem, þú segjir. Þá finnst mér frekar óréttlátt að erlent fólk geti bara keypt sér ríkisborgararétt. Og eins og fyrir ofan mig þá er það örugglega ekki vegna fjárfestinga og aukins fjárs sem kemur inn í landið - fyrir utan kannski skatta EF þeir ákveða að búa hér. Annars finnst mér ekki að við ættum að vera dæma hvort erlent fólk átti að fá ríkisborgararétt þar sem eina sem við vitum er að þeir eru ríkir, erlendir og eru með bandarískan millimann. Aðeins of litlar upplýsingar að mínu mati.

Kv. JT

[Hörður Þórðarson, 29.4.2011 kl. 23:03]

Kærar þakkir fyrir innlitið, allir saman.

JT skrifar:  "Aðeins of litlar upplýsingar að mínu mati".

Fyndist þér þá ekki rétt að leita eftir meiri upplýsingum um það hversu miklu fé þetta fólk vill fjárfesta í Íslensku atvinnulífi og hvað mörg störf það ætlar að skapa? Ekki virðast stjórnvöld hér hafa haft mikinn áhuga á því. Halda mætti að Jóhanna og co vilja hafa eymdina hér sem mest svo að hægt verði að dreifa henni "jafnt" yfir alla og að allir verði háðir ríkinu varðandi velferð og ölmusu...

Er fólk fyrir utan Evrópu svæðið eitthvað verra en fólk innan svæðisins? Ef þér finnst óréttlátt að fólk sem á peninga flytji til Íslands á þeim forsendum, hvað finnst þér þá um fólk í Evrópu sem á enga peninga, kann enga íslensku, og undyrbýður Íslenskan verkalýð? Er það allt í lagi en fólk utan Evrópu sem vill fjárfesta og skapa störf ekki í lagi? Gætir þú eða einhver annar útskýrt fyrir mér hvers vegna?

[JT (IP-tala skráð) 29.4.2011 kl. 23:53]

Það er akkurat það sem ég er að biðja um, fé sem þetta fólk gæti verið að fjárfesta getur verið 0 and líka eitthvað mikið - samt það fylgir ekki sögunni hvort þessir aðilar séu í raun að sækja um ríkisborgararétt vegna áhuga á að fjárfesta eða eitthvað annað.

Nei mér finnst fólk utan Evrópu ekki verra enda sagði ég það hvergi. Eina sem mér finnst asnalegt er það að fjárhagur fólk á ekki að vera eini áhrifavaldur þess hvort fólk fái ríkisborgararétt þrátt fyrir það á hann auðvitað að vera talin með og stór þáttur. Ef VIÐ eigum að dæma hvort þeir eigi að fá ríkisborgararétt þá er ýmist sem við þurfum að vita. t.d. Eru plön fyrir hendi að fjárfesta á Íslandi? Eru þeir með hreina sakaskrá? Ætla þeir að búa hér? Reyna að læra íslensku? Hvers vegna að sækja um ríkisborgararétt á Íslandi? I rauninni er ég engann veginn ósammála þér fyrir utan það að ég get ekki sagt stutt það að þeim verði gefinn ríkisborgararéttur við þessar upplýisingar.

-Jón T.

[Tómas Waagfjörð, 30.4.2011 kl. 00:55]

Sérðu virkilega ekkert rangt við það að ríkt fólk verði Íslenskir ríkisborgarar á einum degi á meðan fátækara fólk þarf að bíða í mörg ár?

Sorglegt að þú metur ríkisborgaréttinn þinn ekki meira en þetta að hann geti verið keyptur.

Kannski eru sumir bara "jafnari" en aðrir.

[Einar Örn Gissurarson, 30.4.2011 kl. 03:35]

Það er stór og mikill munur á landvistarleyfi og ríkisborgararétt. Rétt er það að fólk innan evrópusambandsins eiga mun auðveldara með að flytja hingað en það sama hefði átt við með þessa auðmenn. Það er hægt að sækja um landvistarleyfi á þeim forsendum að þú sért fær um að framfleyta sjálfum þér og ef þeir þykjast vera nógu ríkir til að geta keypt sér eitt stykki ríkisborgararétt, þá eru þeir áreiðanlega nógu ríkir til að geta framfleitt sig hér.

Þegar þeim er svo sagt að þú getur ekki keypt þér það sem allir aðrir þurfa að vinna sig fyrir (ekki einu sinni forsetafrú okkar fékk að hunsa biðtíman) þá segja þeir "Ja... Þá leitum við bara eitthvað annað!". Hljómar það eins og orð manna sem vildu gera allt til að flytja hingað? Athugaðirðu nokkuð hver David Lesperance er? Hann er lögfræðingur sem er að hjálpa auðmönnum að redda sér ríkisborgarétt í löndum þar sem þeir geta borgað minni skatta til. Hann mælir með að fólk fái sér 3-4 mismunandi ríkisborgaréttindi svo að ef eitthvað kemur fyrir landið sem þeir eru að borga skatta til eða búa í, þá geti þeir auðveldlega valið sér annað land sem þau teljast vera ríkisborgarar. Það og að gera það auðveldara fyrir þau að ferðast.

Þetta fólk hafði engan áhuga á að koma hingað til að fjárfesta. Þetta eru fólk sem eru að leita sér að mögulegri griðarstað, sem þau geta flutt til í skyndi ef ske kyni að eitthvað hræðilegt komi fyrir þann stað sem þau búa, á meðan þau borga skatta sína til einhvert skattarparadís.

Hérna er vefsíðan hans ef þú villt skoða nánar.

[Hörður Þórðarson, 30.4.2011 kl. 03:51]

"Sérðu virkilega ekkert rangt við það að ríkt fólk verði Íslenskir ríkisborgarar á einum degi á meðan fátækara fólk þarf að bíða í mörg ár?"

Ekkert er fullkomið. Sérð þú ekkert rangt við það að ríkt fólk á Íslandi í dag hafi nóg að borða meðan fátækara fólk hefur lítið sem ekkert? Ég verð að viðurkenna að mér finnst rangindin sem felast í því að ríkt fólk geti notað peningana til að skaffa sér ríksisborgararétt einhvers staðar meðan fátækara fólk getur það ekki vera lítilvæg miðað við þau rangindi sem felast í svo mörgu öðru. Heldur þú að það sé ekki til fólk á Íslandi í dag sem verður að neita sér og börnum sínum um sjalfsagða hluti eins og tannlækningar vegna þess að það hefur ekki efni á þeim? Ég held að það væri nær að hleypa eins miklum peningum inn í landið og hægt er meðan ástandið er jafn slæmt og raun ber vitni.

[Sigurður Haraldsson, 30.4.2011 kl. 11:13]

Sælir hér á okkar ástkæra landi er mafía við völd og tök hennar í gegnum fjórflokksræðið fer vaxandi með deigi hverjum!