Jafnrétti?

Hvað skyldi maður sem gerði svona við konuna sína þurfa að setja lengi í steininum? Lætur einhver sér detta í hug að hann fengi aðeins þriggja ára dóm? Þeir sem halda að það ríki jafnrétti milli kynjanna eru svo sannarlega á villigötum...

Eiginmaður bjó við ógnarstjórn í 41 ár

Athugasemdir

[Sævar Birgir Ólafsson (IP-tala skráð) 31.5.2012 kl. 09:08]

Líka áhugavert að það teljist ástæða til að nefna í fréttinni að ekki sé vitað til að maðurinn hafi ögrað konunni eða gefið henni tilefni fyrir ofbeldinu á annan hátt. Sem sagt, ef maðurinn hefði ögrað konunni hefði ofbeldið gegn honum verið réttlættanlegt jafnvel? Væri dæminu snúið við og sami texti notaður myndu femínistar fara gjörsamlega af hjörunum yfir þessari athugasemd.

[Hörður Þórðarson, 31.5.2012 kl. 09:44]

Takk fyrir góða athugasemd, Sævar. Femínistar hefðu farið á límingunni ef fréttin hefði verið svona:

Fram kemur í dómnum að ofbeldið hafi í það minnsta staðið yfir frá árinu 1969 og allt þar til eiginkona mannsins lést árið 2010. Hugsanlegt sé að það hafi átt sér stað allt frá því að fólkið gekk í hjónaband árið 1961. Ekkert benti til þess að konan hafi á einhvern hátt ögrað manninum eða gert nokkuð sem gefið hafi honum tilefni fyrir ofbeldinu. Þá segir að maðurinn hafi oft og iðulega ráðist á konuna sína að börnum þeirra, sem nú eru uppkomin, viðstöddum en þau báru vitni gegn föður sinni fyrir dómstólnum. Málið kom til kasta lögreglu eftir að maðurinn kærði eiginkonu sína fyrir áreiti en þegar lögreglan fór að rannsaka málið beindist rannsóknin að honum í staðinn.

Ég er hræddur um að femínistar hefðu risið upp, öskrað og rifið hár sitt ef maður sem hagaði sér svona hefði bara fengið þriggja ára dóm...

[assa (IP-tala skráð) 2.6.2012 kl. 11:50]

Hvar gerðist þetta? Er víst að dæmt sé þar eftir því hvort kynið á í hlut? Í íslensku dómskerfi þykir þetta sennilegast harður dómur, það er varla að karlmenn sem nauðga hér á landi fái svona "harðan" dóm.