Glæpur gegn fórnarlömbum nauðgana

Þessi kona hefur í raun framið tvo glæpi. Hún hefur borið rangar sakir á saklausan mann sem hefði getað lent í fangelsi í mörg ár. Hann hefði goldið fyrir þetta alla æfi, þekktur sem nauðgari og á sakaskrá.

Hinn glæpurinn er í mínum augum enn alvarlegri, en hann er glæpur gegn fórnalömbum raunverulegra nauðgana. Þeirra framburður verður síður tekinn trúanlegur eftir þetta.

Yfirvöld verða að taka á þessu af fullri hörku, kæra konuna og veita henni viðeigandi refsingu. Nafnbirting og nokkura ára fangelsi ætti að vera víti til varnaðar þeim sem dettur í hug að bera fram slíkar falsákærur.

Maðurinn reyndist vera saklaus

Athugasemdir

[Axel Jóhann Hallgrímsson, 4.8.2013 kl. 20:47]

Sammála þessu. Þó tel ég mannorð viðkomandi hafa þegar beðið hnekki. Á tímum núverandi samskiptatækni þá er næsta víst að allir sem þekkja manninn hafi frétt af "glæp" hans áður en sannleikurinn varð ljós. Þegar slíkur áburður er einu sinni kominn á menn, fer hann ekki svo glatt af, hvað sem staðreyndum líður!

[Sigurður Þór Guðjónsson, 4.8.2013 kl. 22:33]

Það var engin kæra lögð fram. Og við vitum ekki meira um málavexti svo þessi harka er nú bara ekki viðeigandi. 

[Helga Dogg Sverrisdottir (IP-tala skráð) 4.8.2013 kl. 22:45]

Sigurður Þór, það að ásaka manninn um nauðgun er glæpur. Vegið illa að mannorði drengsins, þó engin kæra hafi verið lögð fram. Hefði verið betra að leggja fram kæru, ég spyr?

Það vantar viðbrögð við slíku háttarlagi og alltof margar stúlkur komast upp með logna kæru. Að fenginni reynslu hugsa ég alltaf þegar ég les um nauðgun; ,,hvers konar nauðgun hefur átt sér stað" og það er í samræmi við orð Harðar.

Við eigum að vekja upp umræðu um hve alvarlegt það er að halda fram nauðgun sem ekki hefur átt sér stað!

Kveðja, Helga Dögg

[Hörður Þórðarson, 5.8.2013 kl. 00:53]

Takk fyrir innlitið. Fyndist þér það allt í lagi ef einhver kona færi til lögreglu og sakaði þig um nauðgun, Sigurður? Fyndist þér í lagi ef konu sem var í raun nauðgað væri ekki trúað vegna þess að svona fals ákærur virðast vera svo algengar? Finnst þér það ekkert hart þegar saklaust fólk þarf að missa mannorðið, setja í fangelsi og vera á sakaskrá það sem eftir er ævinnar?

Það þarf að vera lýðnum ljóst að svona framferði er glæpur og það þarf augljóslega að beita fullri hörku. Annars breytist ekki neitt.

[óli (IP-tala skráð) 5.8.2013 kl. 00:58]

Sigurður er einn af þeim sem sennilega eru í e h karlahópi feminisma eða álíka rugli. Að saka mann um nauðgun er glæpur. þessi drusla á að fá refsingu fyrir þetta. það á að taka mjög hart á svona konum og þær eiga sér engar málsbætur. ENGAR.

[Gunnar Th. Gunnarsson, 5.8.2013 kl. 05:27]

Stelpan guggnaði á að kæra þegar gengið var á hana. Á meðan sat maðurinn í fangelsi. Auðvitað á að refsa stúlkunni af fullri hörku, öðrum til viðvörunnar sem hyggjast leika svona leik. Og rétt hjá þér Hörður, þetta er tvöfaldur glæpur.