Hvar var Karl þegar...?

Hvar ver þessi maður þegar Bandaríkjamenn voru með refsiagerðir gagnvart Írak sem kostuðu meira en 500.000 börn lífið?

Hvar var hann þegar Bretar of Bandaríkjamenn réðust ólöglega inn í sjálfstætt land, drápu mann og annan og bjuggu til jarðveg þar sem illgresi eins og ISIS þrífst?

Hvar var hann þegar bandaríkjamenn stunduðu pyntingar?

Hvar er hann þegar íslendingar eru í viðskiptum við Nígeriú þar sem spilling er landlæg og mannréttindi lítils virt?

Þessi listi gæti haldið áfram margar blaðsíður.

 

Karl: "Sagði hann að ef menn tækju eig­in­hags­muni fram yfir heild­ar­hags­muni þá væri rétt að velta því fyr­ir sér hvort þeir væru bestu menn­irn­ir til að fara með auðlind­ina og kallaði í leiðinni eft­ir að út­flytj­end­ur myndu sýna sam­fé­lags­lega ábyrgð í þessu máli."

Annað hvort er Karl mesti hræsnari sem uppi hefur verið síðan ísland byggðist eða manna fáfróðastur um þá sem íslendingar eru í viðskiptum við, og hafa verið í viðskiptum við um áratugi.

Að versla við rússa eru heildarhagsmunir. Sjálfstæði íslendinga og réttur til að ráða sínum  málum sjálfir eru heildarhagsmunir. Hvernig heldur þessi maður að íslendingar hafi efni á því að kaupa lyf og tæki til lækninga? Hvernig heldur hann að íslendingar hafi efni á að greiða laun stjórnmálamanna?

Enginn skortur á „stórgrósserum“

Athugasemdir

[Jónatan Karlsson, 16.8.2015 kl. 19:32]

Sannarlega vel mælt

[Hörður Þórðarson, 16.8.2015 kl. 20:27]

 Kærar þakkir.

[Ármann Birgisson, 16.8.2015 kl. 20:36]

Sammála.

[Jón Valur Jensson, 16.8.2015 kl. 21:34]

Hvar var Karl Garðarsson þegar Frakkar og Bretar hófu loftárásir á Líbýu? Fannst honum það allt í lagi, kannski lýsa mikilli virðingu fyrir fullveldi Líbýu?

Þótti Karl Garðarssyni það eðlilegt af Bandaríkjunum að vinna mjög ötullega, með gríðarlegum fjáraustri og vopnasendingum, að því að splundra SÝRLANDI, svo að nú eru þar margar borgir að stórum hluta rústir einar, hundruð þúsunda fallin og særð og mesta flóttamannavandamál nútímans orðið til, frá þessu landi. Var það bara allt í himnalagi? Er Karl ánægður með, að Sýrland er nú skipt niður í mörg ríki stríðsherra og ekkert lát á þjáningum fólksins í landinu? Er hann hress með, að aðgerðir Obama og félaga stuðluðu að því, að Ríki islams náði þar fótfestu til að fremja sín hryllilegu ódæðisverk, m.a. á kristnu fólki og jasídum? -- sjá hér: http://krist.blog.is/blog/krist/entry/1925878/

Hver er þessi Obamastjórn til að hneykslast á Rússum? 

Svo á Úkraínuher stóran hlut í því að hafa drepið óbreytta borgara í landinu, nefnilega í austurhlutanum, þar sem rússneskumælandi eru fjölmennastir.

[Hannes Björn Kristjánsson (IP-tala skráð) 17.8.2015 kl. 00:08]

Til að svara upphaflegu spurningunni. Hvar Karl Garðarson var, þá var hann fréttamaður á stöð 2 á þessum tíma að færa ykkur fréttir af öllu því sem hér er talið upp. Átti hann sem fréttamaður og fréttastjóri að gefa út yfirlýsingar um þessa atburði? Væntanlega ekki er það?

http://www.althingi.is/altext/cv/is/?nfaerslunr=1169

Að öðru leyti eru hér handvalin dæmi og snúið út úr.

Í fyrsta lagi er það þannig að það eru stunduð mannréttindabrot í öllum löndum. Íslandi, Kína eða Nígeríu. Því getur enginn neitað. Misalvarleg reyndar og vissulega en ef við stunduðum ekki viðskipti við nein lönd þar sem mannréttindabrot fyrirfinnast, þá stunduðum við engin viðskipti. Þess utan þá minnist ég þess hvorki að Nígería sé stórveldi sem nágrönnum standi ógn af eða þá að þeir hafi verið að innlima landsvæði sem var innan landamæra nágranna sinna.

Viðskiptaþvinganirnar eru ekki tilkomnar vegna þess að Rússar séu að brjóta mannréttindi. Heldur vegna þess hvernig þeir sem stórveldi haga sér gagnvart nágrönnum sínum. Ef við mótmælum ekki þessu framferði vegna þess að við viljum ekki tapa krónum, hver erum við þá? Hver ætlar að standa með okkur ef á þarf að halda ef við ætlum ekki að standa með neinum bara til þess að forðast peningatap. Það eru stærri hagsmunir í húfi.

Þú segir að sjálfstæði Íslands séu heildarhagsmunir. Sjálfstæði smáríkja í námunda við stórveldi eru heildarhagsmunir og ef við leyfum stórveldum að vaða uppi bara til að tapa ekki peningum, hvað verður þá um okkur að lokum?

First they came for the Socialists, and I did not speak out—
Because I was not a Socialist.

Then they came for the Trade Unionists, and I did not speak out—
Because I was not a Trade Unionist.

Then they came for the Jews, and I did not speak out—
Because I was not a Jew.

Then they came for me—and there was no one left to speak for me.

[Hörður Þórðarson, 17.8.2015 kl. 03:08]

Takk fyrir allar athugasemdir, sumar frá mönnum sem átta sig á hinu stóra samhengi og aðrar ekki. Hvernig skýldi Karl vilja refsa Bandaríkjamönnum, Úkranímönnum, Norður Koreu mönnum, Ísraelsmönnum og svo framvegis?

[Jón Valur Jensson, 18.8.2015 kl. 17:52]

Og hvernig skyldu Karl og Hannes Björn Kristjánsson vilja refsa Kínverjum fyrir meira en hálfrar aldar grimmilegt hernám Tíbets?

Og þykja honum 7-10.000 aftöku á ári í Kína (sumar jafnvel fyrir "efnahagslega glæpi") eðlilegar?