Jafn stórt of Icesave. Þetta er þjófnaður.

Þetta mál er alveg eins stórt og Icesave málið. Hvers vegna var hægt að afgreiða þetta í hendingskasti?

"Þeir sem áttu hlutdeildarskírteini í peningamarkaðssjóðunum þremur fengu í kjölfarið 68,8-85,3% af eign sinni greidd til baka. Ef ríkisbankarnir hefðu ekki gripið inn í og keypt ofangreind skuldabréf út úr sjóðunum er ljóst að tap viðskiptavina þeirra hefði orðið mun meira. Nýju bankarnir þrír, og íslenska ríkið sem eigandi þeirra, bera tapið í staðinn."

Þeir sem bera ábyrgð á þessum gjörningi hafa með ábyrgðarleysi sínu og fljótræði STOLIÐ hundruðum milljarða af íslenskum almenningi. Þeir eiga að svara til saka fyrir þetta. 

Þeir sem fylgjast með öllum þeim deilum og umræðum sem snúast um Icesave ætti að vera ljóst að alveg jafn miklu púðri hefði átt að eyða í þetta sjóðamál. Upphæðin sem tengist þessu er af sömu stærðargráðu og upphæðin sem ætlast er til að íslendingar greiði vegna Icesave. 

Í raun má segja það mun meira áríðandi að leysa Icesave málið en þetta sjóðamál. Það virðist undir því komið að við leysum Icesave að við fáum aðstoð erlendis frá sem við þurfum því miður á að halda. Þeir sem bera ábyrgð á þessu sjóðamáli þurfa að koma fram og útskýra hvers vegna það var svo áríðandi að leysa það mál að hundruðum milljarða var sólundað á nánast einni nóttu án þess viðeigandi kynning og umræða færi fram. Almenningur átti þessa peninga og almenningur á rétt á skýringu.

Of hátt mat á virði bréfa í peningamarkaðssjóðum

Athugasemdir

[Hólmfríður Bjarnadóttir, 4.10.2009 kl. 14:02]

Er þetta ekki okkar innlenda ICESAVE sem taka verður á hér innanlands. Er þetta ekki eitthvað sem koma mun eða er þegar á borði Sértaks saksóknara. Ljóst er að þessi gjörningur og aðdragandi hans allur er á mjög gráu svæði. Það verður hið fyrsta að finna húsnæði fyrir alla þá sakamenn sem setja þarf inn þegar farið verður að dæma í öllum málunum eftir veisluna miklu.  

[Hörður Þórðarson, 4.10.2009 kl. 18:57]

Mér skilst að það standi til boða ísbrjótur:

http://www.mbl.is/mm/frettir/innlent/2009/10/03/budu_isbrjot_sem_fangelsi/

Ég er sammála því að þetta er hið innlenda ICESAVE. Skrýtið að í því dæmi voru peningarnir greiddir út í hendingskasti en um hið erlenda ICESAVE þarf endalausar viðræður, kynningar og tafir. Að mínu mati eru þess mál sambærileg og bæði flókin og erfið. Stjórnvöld hefðu átt að gefa sér meiri tíma til að afgreiða þetta sjóðamál, kynna það fyrir fólki og ræða á alþingi. Eins og þetta var gert lítur þetta út eins og þjófnaður um nótt.