Sjötti leiðtoginn

Gleðilegt ár öllsömul, og kærar þakkir til allra sem nennt hafa að lesa þetta ómerkilega blogg.

 

Mig langar til að segja ykkur frá sjötta leiðtoganum.

Dag nokkurn sagði Hong, fimmti leiðtoginn við lærisveina sína: "Kominn er tími til að velja eftirmann minn. Semjið texta fyrir mig og ef textinn sýnir að höfundurinn hafi náð fullum skilningi mun ég veita honum skikkju mína og gera hann að sjötta leiðtoganum, fljýtið ykkur nú!"

Lærisveinarnir ákváðu að Shen nokkur sem var talinn standa fremstur skyldi semja textann. Eftir mikla umhugsun skrifaði hann:

    Líkaminn líkist visku tré

    Hugurinn sem tær spegill

    Hreinsaðu hann stöðugt

    og láttu ekki ryk safnast.

 

Meistari Hong las ljóðið en var ekki hrifinn. Lærisveinarnir töldu ljóðið snilldarverk en Hong kallaði Shen á sinn fund og mælti: "Það sem þú skrifar sýnir að þú hefur ekki náð fullum skilningi. Þú stendur við dyrnar en þér hefur ekki tekist að koma inn. Haltu áfram að reyna."

Hui, ungur lærlingur sá ljóðið og skildi strax að það sýndi ekki fullan skilning. Hann skrifaði nýtt:

    

   Í raun er ekkert visku tré

   né tær spegill

   Síðan allt er frá upphafi tómt,

   Hvar á þá rykið að safnast?

 

 Hong gerði Hui samstundis að eftirmanni sínum.

Bréf fyrir bjartsýnismenn

Ég verð að viðurkenna að ég svæfi ekki mjög vel ef ég ætti svona bréf. Hvaðan ætlar Gríska ríkið að fá peninga til að borga þessa háu vexti? Ekki geta grikkirnir prentað þá, því þeir eru með evru. Sennilega segir Gríska ríkið einhvern daginn; "Sorrý, við eru gjaldþrota svo að þeir sem eiga þessi bréf geta bara notað þau sem skeinipappír". Ekki væri ég hissa þó að ríkissbréf ýmissra annara landa fari sömu leið...

Metávöxtunarkrafa á grískum skuldabréfum

Blóma predíkun Buddha

Eittt sinn sem oftar tók Buddha lærisveina sína að tjörn þar sem hann var vanur að predíka. Venjulega talaði hann, en í þetta sinn stóð hann bara og sagði ekki orð. Eftir langa mæðu teygði hann sig í lotus blóm eitt sem óx í tjörninni. Hann tók blómið upp og sýndi lærisveinunum og þeir veltu fyrir sér merkingu þess.

Mahakashyapa, hló. Buddha sagði þá: "Ég hef sagt ykkur allt sem er hægt að segja. Það sem ekki er hægt að segja hef ég gefið Mahakashyapa". Upp frá þessu var ákveðið að Mahakashyapa skyldi verða arftaki Bhudda.

Þessi orðlausa predíkun var upphafið að Zen Buddhisma þar sem áhersla er lögð á að gefa fólki lykilinn að sannleikanum svo að það geti sjálft fundið hann en ekki segja fólki hver sannleikurinn er. Zen prestur kennir ekki staðreyndir, heldur kennir hann hvernig hver og einn getur á sinn hátt nálgast þær.

Sumt er einfaldlega ekki hægt að segja með orðum...

Sumarlægð á suðurhöfum

Ég skrifaði áður um skilamyndun í nágreni Nýja Sjálands. Nú eru skilin og tilheyrandi illviðri gengin yfir, en lægðin sem þeim fylgir hefur haldið áfram að dypka og veldur nú miklu hvassviðri suður í höfum. Eins og sjá má af þessari greiningu eru þrystilínur norðan við lægðina mjög þéttar. Lægðin er á þessu stigi um 943hPa djúp.

Vindur sem þessu fylgir er mikill í samræmi við það. Eins og sjá má frá þessari athugun frá gervitungli er stórt  svæði þar sem vindurinn er sterkari en 50 hnútar. Þeir sem skoða svona kort oft vita að það er mjög sjaldgæft að sjá jafn stórt svæði með svo miklum vindi.

Svona fer þegar andstæðurnar í andrúmsloftinu verða mjög miklar, orkan sem leisist úr læðingi er gríðarleg og úr verður öflug lægð. Þessi lægð er miklu öflugri en sumarlægðir við Norður Atlandshaf og er ástæðan sú að andstæður heits og kalds lofts eru miklu minni á norðurhvelinu á sumrin en þær eru hér fyrir sunnan á sama árstíma. Hérna er jú Suðurskautslandið sem helst ískallt allt sumarið en því er ekki til að dreifa á norðurhvelinu.

Hann henti þeim aftur í sjóinn

Úr Guðspjalli Tómasar:

Jesú sagði; "Maðurinn er eins og vitur veiðimaður sem varpar neti sínu í hafið. Hann dregur það upp, fullt af litlum fiskum. Meðal þeirra fann vitri veiðimaðurinn stóran og fallegan fisk. Hann henti öllum litlu fiskunum tilbaka í sjóinn og valdi án vandræða þann stóra. Hver sem hefur eyra, hlustið."

Spáði 65 hnútum, og fékk. Framhald frá fyrra bloggi um skilamyndun

Jæja, nú er atburðurinn að mestu genginn yfir og spárnar hafa staðist mjög vel, öllum þeim til ama sem halda því ennþá fram að tölvureiknuð módel séu lítið nothæf.

Staður nokkur, Mt Cook Village nálægt Mt Cook fjalli sem er hæsta fjall Nýja Sjálands fékk úrkomu upp á um 330mm á sólaring sem er meira en Íslandsmetið. Þessi staður er nálægt háum fjallahrygg en hafa ber í huga að staðurinn er hlé meginn við hryginn en ekki áveðurs þannig að búast má við að enn meiri úrkoma hafi fallið annars staðar, þar sem ekki eru mælar.

Það hefur einnig orðið mjög hvasst víða. Í gær gerði ég spá fyrir Cook Sundið sem skilur að Norður og Suður Eyju Nýja Sjálands. Eins og sjá má á þessu spákorti fyrir hádegi í dag setti ég 65 hnúta á sundið.

 

 

 

 

Hérna er raunverulegt kort frá kl. 9 í morgun, morguninn sem spákortið gildir fyrir.

 

 

 

 

Eins og sjá má náði vindurinn 65 hnúta hraða. Eftir þetta fór heldur að draga úr honum.

Á hæðadragi nokkru hér í Wellington er vindmælir. Þar mældist hæsta hviðan í morgun 93 hnútar eða um 42 metrar á sekúndu. Hafa ber í huga að hér er hásumar, Desember sem samsvarar Júní á norðurhvelinu. Búist er við að lægðin sem olli þessu veðri stefni til suðausturs og dýpki niður í um 940hPa. Eru einhver dæmi um 940hPa lægð á Norður Atlandshafi í Júní?

Menn geta síðan í framhaldinu velt því fyrir sér hvers vegna slæm sumarveður eru oft miklu verri hér á suðurhvelinu en gengur og gerist fyrir norðan.

Takið ykkur föstu frá heiminum

Frá Guðspjalli Tómasar:

Jesú sagði; "Ef þér takið yður ekki föstu frá heiminum, munuð þér ekki finna Guðs ríki. Ef þér haldið ekki helgidaginn heilagan munuð þér ekki sjá föðurinn".

Mögnuð úrkoma og skilamyndun, framhald.

Ég bloggaði nýlega um skilamyndun og mikla úrkomu sem búist er við á vesturströnd suðureyju Nýja Sjálands.

Hér er viðvörun um þennan atburð frá Nýja Sjálenslu veðurstofunni.

"A strong moist northwesterly flow ahead of this front is forecast to bring very heavy rain to Fiordland on Sunday and Monday, and to Westland from Sunday night through to Tuesday. In Fiordland, rainfall totals could reach 150-200mm, while the Westland ranges could receive 300-450mm late Sunday and Monday and possibly a further 100-150mm on Tuesday. Heavy rain is also expected to spill over into the headwaters of the Canterbury and Otago lakes and rivers.

While these regions are no strangers to heavy rain, this is shaping up to be a particularly significant event. People in these areas should stay up to date with the latest forecasts and warnings. On the West Coast, rivers and streams are likely to rise very rapidly, and there may be slips and localised flooding which could make driving hazardous. In eastern areas, where little rain may fall, the main rivers that have their sources in the Southern Alps can be expected to rise significantly."

 

Þarna er verið að spá meiri sólarhrings úrkomu en nokkurn tíma hefur mælst á Íslandi.  Ég mun halda áfram að fylgjast með þessu og reyna að taka saman hversu mikil úrkoma féll þegar þetta er gengið yfir.

Fyrir þá sem skoða veðurkortin í fyrri færslu, þá vitið þið væntanlega að loft streymir réttsælis í kringum lægðir en rangsælis í kringum hæðir hér á suður hvelinu, öfugt við það sem gerist í norðrinu. Það getur verið svolítið erfitt að átta sig á veðurkortum héðan fyrir þá sem eru bara vanir að skoða kort frá norður hvelinu.

Fyrir þá sem vilja skoða síðu Nýja Sjálensku veðurstofunnar er url hennar:

http://www.metservice.com/national/index

 

 

Gleðileg Jól

Ég óska ykkur gleðilegra jóla og farsældar á komandi ári.

Megið þið finna samhljóm með meðbræðrum ykkar og umhverfi.

Megið þið vaxa í þroska og skilningi og færast nær ljósinu.

Megið þið vera laus við sjúkdóma og illa liðan, af hvaða toga sem hún kann að vera.

Megið þið kunna að meta allar þær dásamlegu gjafir sem ykkur eru gefnar, og deila þeim með öðrum.

 

Hérna er dálítið sem þið gætuð haft gaman af að skoða:

http://www.diamond-sutra.com/

"Subhuti, any person who awakens faith upon hearing the words or phrases of this Sutra will accumulate countless blessings and merit." 

Frontogenesis (skilamyndun) og mögnuð úrkoma

Af veðurkortunum að dæma er óskastaða fyrir mikla úrkomu í uppsiglingu hér á Nýja Sjálandi. Við vesturströnd suðureyjunna rignir oft gríðalega mikið í rakri norvestanátt. Hluti af skýringunni er sú að rakinn þettist við að lyftast upp yfir háan fjallagarð sem teygir sig frá norðri til suðurs eftir allri eyjunni og er að jafnaði um 2000m hár. Hinn hluti skýringarinnar er að svæðið nýtur stundum aðstreymis af mjög hlýju og röku lofti úr hitabeltinu sem síðan kólnar þegar það lyftist upp yfir kalt loft sem streymir að úr suðri.

Hér sýni ég fyrist greiningu fra 24 Des 06Z

 

 

 

 

 

 

 

 

 

 

 

Í suðri er Suðurskautslandið og þar er hitinn um frostmark. Fyrir norðan Nýja Sjáland er hins vegar hitabeltisloft, rakt og um 26 stiga heitt. Búast má við að loft nálægt Suðurskautslandinu suður af Ástralíu og loft ættað úr hitabeltinu berist inn á svæðið vestur af Nýja Sjálandi.

26 Des. kl 12Z ar búist við að staðan verði eitthvað á þessa lund:

 

 

 

 

 

 

 

 

 

 

 

 

 

 

 Hitaskil sækja að úr norðvestri og boða komu hlýja loftsins en kuldaskil koma úr suðvestri með kalt loft frá svæðinu nærri Suðurskautslandinu. Það má segja að fyrir vestan Nýja Sjáland sé sterk skilamyndun, "frontogenesis". ´

Hérna er staðan í háloftunum (250hPa) ögn seinna, 27 Des kl 00.

 

 

 

 

Þarna má sjá að mjög sterkur skotvindur liggur suðvestur af landinu. Hlýji ingangurinn í þennan skotvind liggur við vesturstönd nýja Sjálands (Hlýji ingangurinn í skotvind hefur með sér "divergence" í háloftunum og þar með uppstreymi). Auk þess er sterk aðstreymi af "cyclonic vorticity", man ekki alveg hvað það er á Íslensku þar sem skarpt trog nálgast úr suðvestri. Þar á ofan er sterkt aðstreymi af hlýju lofti sem hefur líka í för með sér uppstreymi.

Her verður þá niðurstaðan? Það er ekki hægt að búast við öðru en kröftugri tilfærslu af hlýju og röku lofti sem lyftist mjög sterklega. Ég læt hér fylgja spá fín skala módels (WRF) sem sýnir 24 stunda uppsafnaða úrkomu yfir suður Nýja Sjálandi.

 

 

 

 

 

Módelið, sem hefur sýnt sig að vera frekar áreiðanlegt gerir ráð fyrir meira en 600mm úrkomu á 24 tímum sem enda kl. 12Z þann 27 Des. Mesta sólarhrings úrkoma sem mælst hefur á Íslandi eru 293mm. Meðal árs úrkoma í Reykjavík er um 799mm. Það þarf því engum að dyljast hversu heljar miklu úrfelli má búast við þegar svona margir þættir þeggjast á eitt.

Ef einhverjar spurningar vakna, þá látið þær bara flakka, annars getið þið bara kíkt í Holton

(Afsakið villur sem kunna að leynast í þessu og enskuslettur. Ég er í vinnunni og hef ekki mikinn tíma... Það væri gaman að geta útskýrt þetta allt betur.)