Fáránleg setning...

Orð Ólafs vekja margar spurningar.

"3. Viðræðurnar við Al Thani fjölskylduna leiddu til þess að fjölskyldan, í nafni Q Iceland Finance ehf., keypti 5% hlut í Kaupþingi.  Kaupþing lánaði helming kaupverðsins beint til félags í eigu Al Thani og lagði Al Thani fram ábyrgðir að upphæð 200 milljónir evra vegna þessarra og annarra væntanlegra viðskipta.  Ég samþykkti, og hefði betur aldrei gert, að vera eigandi að félagi sem lánaði síðan hinn helminginn af kaupverðinu án persónulegra ábyrgða. Það var gert að beiðni hlutaðeigandi og til þess að ábyrgð þeirra yrði með því móti takmörkuð við 50% kaupverðs hlutabréfanna."

Til hvers var verið að standa í þessu ef Al Thani thurfti að fá allt kaupverðið að láni?

"Kaupþing lánaði helming kaupverðsins beint til félags í eigu Al Thani"

 "Ég samþykkti, og hefði betur aldrei gert, að vera eigandi að félagi sem lánaði síðan hinn helminginn af kaupverðinu"

Úr því AT þurfti að fá helminginn lánaðan hjá Kaupþingi og hinn helminginn frá öðrum, hver var þá raunverulegur tilgangur með þessu öllu saman? Ég get ekki betur séð en að Kaupþing hafi verið að kaupa í Kaupþingi í gegnum AT. Hvers vegna?

Og hvers vegna í ósköpunum lánaði félag í eigu Ólafs að hinn helminginn? 

Ef AT gat eða vildi ekki kaupa í Kaupþingi án þess að taka allt að láni, hver var þá tilgangurinn?

Ég spyr hver það var hjá Kaupþingi sem heimilaði þessa æfingu og hvers vegna?

Ólafur segir enn fremur:

"Markmiðið með þátttöku minni í þeirri vegferð að fá Al Thani fjölskylduna sem hluthafa í Kaupþing var fyrst og fremst til að styrkja bankann í því umróti sem ríkti á alþjóðlegum fjármálamörkuðum."

Er hægt að taka þessi orð trúanleg? Miðað við að AT þurfti að fá alla peningana lánaða finnast mér þessi orð Ólafs um markimiðið vera fáránleg.

Ólafur segir engan hagnað hafa runnið til sín

Athugasemdir

[Hörður Þórðarson, 19.1.2009 kl. 19:28]

Ef þessi æfing var gerð í því skyni að hækka gengi Kaupþings, þá get ég ekki annað en reiknað með að einhverjir hafi haft persónulega ávinning af slíkri hækkum. Er það löglegt að stunda æfingar af þessum toga?

[Birgir Harðarson (IP-tala skráð) 19.1.2009 kl. 23:10]

Furðulegt að reyna að komast undan orðinu FJÁRGLÆFRAMAÐUR og það maður sem er að drepast úr græðgi. Ólafur segir "Markmiðið var að styrkja bankann" ??????? en um leið að hafa af bankanum 12,5 miljarða. Nei hann vara nýta sér vitneskju úr fjárglæfraklíkunni og ætlaði að hagnast um 12,5 miljarða sem gerðist ekki því bankinn var tekinn af þeim of snemma. Þetta er óþverri sem getur ekki einu sinni séð eignir tendafólks án þess að ásælast, samanber Borgarfjarðarhneykslið (Fréttablaðið 31/12). Spurning hvenær mótmælendur fara að mótmæla hjá þessum gráðugu sem hafa mergsogið þjóðina.