Rakastig aðeins um 4%!

Hrikaleg frétt. Við getum þakkað fyrir að svona veður er aldrei á Íslandi. Eins og sjá má á þessu veðurkorti frá suðaustur Ástralíu er hitinn 46 stig (talan ofarlega til vinstri við hverja veðuratugunarstöð) á stóru svæði. Kortið er frá sjöunda Febrúar kl. 4 síðdegis að staðartíma. Rakinn er mjög lítill. Talan neðst til vinstri við hverja stöð sýnir daggarmark sem er sá hiti sem lækka þarf loft niður í við óbreyttan þrýsting og óbreytt rakainnihald til að rakinn í loftinu þéttist. 

(smellið tvisvar til að sjá þetta betur)

 

Vinstra megin á myndinni má sjá athugun frá litlum bæ sem heitir Coober Pedy. Þar mældist hitinn 43 stig en daggarmarkið -7! það þýðir að rakainnihald aðeins um 4%. Það er ótrúlega þurrt og engin furða að gróður fuðri upp við slík skilyrði.

Hitinn í Melbourne náði rúmum 46 stigum en það er met fyrir borgina.

"UPDATE 9.45pm A COOL change has ended Melbourne's hottest ever day, with temperatures falling almost 20 degrees in an hour.

Melbourne hit 46.4 degrees at 3.05pm, breaking the record for the all-time hottest day previously set in 1939 with 45.6 degrees on Black Friday."

http://www.news.com.au/heraldsun/story/0,21985,25020546-661,00.html

Það er talað um "cool change" í þessari frétt og það má sjá það glögglega á kortinu að skörp kuldaskil eru að nálgast borgina.

 

Enn hækkar tala látinna