Lýðskrum og sýndarmennska

Lýðskrum og sýndarmennska eru þau orð sem fyrst koma upp í hugann þegar þessi frétt er lesin. Ef samfylkingin vill raunverulega kosninger getur hún slitið stjórnarsamstarfinu í dag.

Ríkisstjórnin þarf annað hvort að fara að taka á þeim vanda sem núna blasir við eða koma sér í burtu og leyfa þeim að taka við sem hafa að minnsta kosti vilja til að gera eitthvað.

Ef ríkisstjórnin gerir ekki eitthvað strax í dag til að tryggja atvinnu og auka á bjartsýni í landinu liggur ekkert annað fyrir en frekari vonleysi og landflótti. Að eyða tíma í svona útúrsnúninga og smámuni eins og bjór og léttvín í verslunum er glæpsamlegt. 

Meirihluti geti krafist kosninga

Athugasemdir

[Einar Sveinbjörnsson, 21.1.2009 kl. 09:09]

Sæll Hörður !

Þú kemur beint að kjarna málsins: "Ef ríkisstjórnin gerir ekki eitthvað strax í dag til að tryggja atvinnu og auka á bjartsýni í landinu liggur ekkert annað fyrir en frekari vonleysi og landflótti."  

Málið er aðgerðir í dag, en ekki á morgun eða hinn.  Ég hef miklar áhyggjur af lánleysi og sundurlyndi núverandi stjórnvalda hér á Íslandi.

Bestu kveðjur

Einar Sv. 

[Líney (IP-tala skráð) 21.1.2009 kl. 09:29]

lýðskrum, má vera. á hinn bóginn er það svo að m.a. samstarfsflokkur þeirra í ríkisstjórn og sömuleiðis aðrir Samfylkingarmenn munu aldrei viðurkenna að meirihluti landsmanna vilji stjórnarslit og kosningar fyrr en þeir sjá það svart á hvítu (þeir eru blindir fyrir fjölda mótmælenda og telja kannanir ekki með sem gildar, virðast þar gersneyddir kunnáttu í tölfræði - og reyndar svo mörgu öðru!). að því leyti er þetta sterkur leikur hjá þingmönnum Samfylkingar.

[Hörður Þórðarson, 21.1.2009 kl. 10:48]

Sæll Einar, takk fyrir athugasemdina.