Þeir mega eiga hann

Verði þeim að góðu sem kaupa og nota þessa síma. Ef þeir eiga 190 þúsund kall til að eyða í hann er það bara fínt. Sýnd að síðasti síminn sem var keyptur fyrir jafn ruglaða fjárhæð er núna orðinn úreltur.

Það besta við þessa síma er að þeir senda að öllum líkindum allar upplýsingar beint til leyniþjónustunnar í USA. Staðsetning, samtöl og myndir. Það kemur þeim sem nota þessa síma til góða, því stóri bróðir getur þá passað að þeir geri enga vitleysu og getur síðar meir notað upplýsingarnar til að stýra fólki á "rétta" braut...

Er siðferðilega réttlætanlegt að eyða 190.000 kr. í iPhone 5?

Maður eða köttur?

Ég hef heyrt að kettir hafi níu líf en þetta er í fyrsta skipti sem ég heyri þetta um mann.

"hefur hann ítrekað verið sviptur ökurétti ævilangt."

Varla er hægt að svipta hann ökuréttindum ævilangt oftar en einu sinni, nema hann hafi ítrekað dáið og endurholdgast og alltaf verið jafn vondur bílstjóri. 

Ítrekað sviptur ökurétti ævilangt

Evrópska miðstöðin fyrir miðlungs langar spár "ECMWF" býst einnig við illviðri.

Það eru fleirri en Páll sem búast við þessu illviðri. Ég hvet bændur og aðra til að fylgast vel með spám og gera ráðstafanir til að koma í veg fyrir tjón sem hlotist gæti af mikilli snjókomu fyrir norðan, laugardaginn 31. águst.

Bændur varaðir við norðanhvelli

Windows 8 eitt stærsta flopp sögunnar.

Það er með ólíkindum að fyrirtæki á borð við microsoft skuli hafa látið frá sér fara vöru á borð vil Windows 8. Hvað voru þeir eiginlega að hugsa? Ég held að þeir ættu ekki að reyna að laga þetta, heldur halda áfram að þróa nothæft stýrikerfi fyrir tölvur, til dæmis Windows 7, og henda Windows 8 í ruslið. Sagt er, "you can´t polish a turd".

"WARNING!!!!! Do not install Windows 8. If you are still using Windows 7, STOP. Continue using it. Windows 8 is a PC breaker. If you want a frustrating experience, then install Windows 8. If you want to break your PC just through it out a second story window. It will be less stressful."

https://www.facebook.com/IHateWindows8

 

Til skemmtunar;

http://www.youtube.com/watch?v=69RllXjCL6o&feature=related

http://www.youtube.com/watch?v=mNVsn1P4GlM

Windows 8,1 væntanlegt í október

Röng fyrirsögn. Fautar ollu árekstrum með lélegum akstri.

Árekstrarnir urðu ekki vegna bleyti. Þeir urðu vegna þess að ökumenn óku of hratt miðað við aðstæður. Það mætti halda að bílarnur hafi farið að rekast hver á annan, einfaldlega vegna þess að það fór að rigna. Þeir lentu saman vegna þess að lélegir bísltjórar skildu ekki að þeir eiga að stíga ögn léttara á inngjöfina þegar göturnar eru blautar.

Fjölmargir árekstrar vegna bleytu

Betra en sala til einkavina

Gott fyndist mér ef einhverjir erlendir aðilar keyptu bankann fyrir gjaldeyri. Það hlýtur að vera betra en að selja þá til einhverra einkavina á Íslandi, sem þess vegna gætu þurft að taka lán í einum banka til að kaupa hinn... 

 

http://is.wikipedia.org/wiki/Einkav%C3%A6%C3%B0ing_bankanna_2002

"Einkavæðing bankanna 2002 var einkavæðing sem fór fram árið 2002 með sölu á ríkisreknum bönkum, Landsbankanum og Búnaðarbankanum, í hendur einkaaðila. Einkavæðingin var alla tíð nokkuð umdeild og varð enn umdeildari eftir bankahrunið 2008. Bent hefur verið á að ef öðruvísi hefði verið farið að hefði þenslan á hagkerfinu ekki orðið jafn mikil á jafn skömmum tíma.^[1] Einnig hefur verið gagnrýnt að ekki var fylgt upprunalegri settri stefnu um að bankarnir skyldu verða í dreifðri eignaraðild. Steingrímur Ari Arason sagði sig úr einkavæðinganefnd Landsbankans í september 2002 og viðhafði þau orð að hann hefði aldrei kynnst öðrum eins vinnubrögðum. ^[2] "

 

Kínverjar vilja kaupa Íslandsbanka

Glæpur gegn fórnarlömbum nauðgana

Þessi kona hefur í raun framið tvo glæpi. Hún hefur borið rangar sakir á saklausan mann sem hefði getað lent í fangelsi í mörg ár. Hann hefði goldið fyrir þetta alla æfi, þekktur sem nauðgari og á sakaskrá.

Hinn glæpurinn er í mínum augum enn alvarlegri, en hann er glæpur gegn fórnalömbum raunverulegra nauðgana. Þeirra framburður verður síður tekinn trúanlegur eftir þetta.

Yfirvöld verða að taka á þessu af fullri hörku, kæra konuna og veita henni viðeigandi refsingu. Nafnbirting og nokkura ára fangelsi ætti að vera víti til varnaðar þeim sem dettur í hug að bera fram slíkar falsákærur.

Maðurinn reyndist vera saklaus

Vísitölubundin laun = verðbólga

Það er endalaust hægt að "leiðrétta" laun "með tilliti til vísitöluþróunar". Þetta hefur verið gert áður og leiddi til hringavitleysu, meira en 100% verðbólgu. Eina leiðin til þess að hækka þessi laun um 10 til 20% er að hækka skatta á ALLA (tekjur ríkisins), þá sem eru í þessum bandalögum og aðra. Þá hækkar verðlag og það er jú verðbólga. Verðlag hækkar þá kannski um 20%. Hvað gerist næst? Þessi bandalög heimta leiðréttingu og hringavitleysan hefst á ný. Á meðan hækka öll verðtryggð lán tilsvarandi og vextir á óvertryggðum lánum skjótast upp í hæstu hæðir, lántakendum til mikillar gleði. 

Þeir sem einhverja glóru hafa í hausnum vita þetta.  Ég býst við að þessir "formenn" hafi ekki verið fæddir í gær svo ég tek það þannig að þessar kröfur séu ekkert annað en sýndarleikur.

Ég veit ekki betur en að laun á Íslandi hafi almennt ekki haldið "í við verðlagsþróun" nýlega. Þannig fer jú þegar efnahagur landsins hrynur (vonandi tóku þessir formenn eftir hruninu). 

Ef þessu félög halda að þau verði eitthvað betur sett ef ríkið fer að prenta peninga til þess að uppfylla kröfur sem engin innistæða er fyrir held ég að þau fari villur vega. Kannski vilja þeir að ríkisstarfsmönnum og forstöðumönnum ríkisstofnana verði fækkað um 20% eða svo til þess að hægt verði að hækka laun þeirra sem eftir setja. Hvað eiga þá þeir sem missa vinnuna að fara að gera? Verka fisk? Ég bara spyr...

Krefjast leiðréttingar launa

Til hamingju

Til hamingju til Anítu fyrir þetta stórkostlega afrek. Vonandi verður hún styrkt og hvött til frekari dáða og vonandi fær hún góðar leiðbeingar og þjálfun.

Aníta varð heimsmeistari

Hvað með foreldrana? Bera þeir enga ábyrgð?

Þessi piltur gengur um og lemur fólk. Fæddist hann svona eða fór eitthvað úrskeiðis í uppeldinu? Bera foreldrarnir enga ábyrgð á þessu? Höfðu þau engan tíma til að sýna þessum pilti ást og umhyggju og kenna honum rétt og rangt? Voru þau kannski of upptekin við að dansa kringum gullkálfinn og hlaða niður enn fleiri börnum?

Maður veltir því reyndar fyrir sér hvers vegna fólk sem hefur ekki tíma fyrir börnin sín er að eignast börn yfirleitt. Kannski er það tíska, rétt eins og að fá sér tattú nú á dögum...

Piltur ræðst ítrekað á annað fólk