Klikkaðar reglur

Samkvæmt http://www.us.is/images/Rafhj%C3%B3l-lei%C3%B0beiningar_mars_12_f.gif er bannað að vera á akbraut!

Hafa þeir hjá umferðarstofu kannski áhyggjur af því að þeir sem eru á rafhjólum þvælist fyrir blikkbeljum, sem jú ÞURFA að komast leiðar sinnar án tillits til nokkurs annars? Hafa þeir engar áhyggjur af gangandi vegfarendum sem eru ekki inni í stál búri alsettu loftpúðum? Greinilega ekki.

Skrýtið að svona áherslur skuli enn vera við lýði. Er ekki kominn tími til að hvetja fólk til að nota umhverfisvæn farartæki sem menga ekki, eru hljóðlát og valda nánast engu sliti á vegum, frekar en þessa fáránlegu tveggja tonna jepplinga sem allir virðast þurfa að klifra upp í, jafnvel þó að þeir ætli ekki nema út í næstu sjoppu?

Umferðastofa ætti að venda kvæði sínu í kross og banna þessi reiðhjól á göngustígum en leyfa á akbrautum. Ég sé ekki hvað mælir gegn því, þegar venjuleg reiðhjól knúin fólki sem hefur yfirleitt enn minni kraft (fyrir utan þá sem eru á EPO) en þessi rafhjól eru í lagi á akbrautum. 

Umferðastofa segir sjálf í texta sínum að þessu hjól flokkist "sem ein tegund reiðhjóla". Er ekki í lagi að vera á reiðhjóli á akbraut? 

Er ekki kominn tími til að hætta að dýrka heilaga blikkbeljuna og fara að sýna skynsemi, "common sense"?

Rafmagnshjólin umdeild

"Unglingamenning"

Sorglegt að ungt fólk skuli vera að gera sig að þjófum fyrir eitthvað jafn ómerkilegt og eitt súkkulaðistykki. Er kannski eitthvað að uppeldinu? Foreldrar sem hafa engin gildi, engan tíma fyrir börnin og eru stöðugt að vinna til þess að fylgja fullorðinsmenningunni eftir. Ég vorkenni þessu aumingja fólki sem eru þrælar í samkeppni um efnislega hluti.

Hvers virði er mannorð fólks? Hjá sumum er það greinilega ekki merkilegra en eitt súkkulaðistykki eða svo. 

Yngra fólk hnuplar meira

Tær snilld

Ég tek ofan hattinn fyrir þessum emerítusi.

„Almennt séð er það okkar mat út frá tölfræði og ýmsum gögnum að möguleiki sé á allstórum skjálfta hér fyrir norðan með upptök undir hafsbotni. Það gæti haft mikil áhrif uppi á landi,“

Það hefur komið skjálfti áður, svo hann getur komið aftur... Jarðskjálfti gæti haft "áhrif uppi á landi"... Menntunin hefur greinilega komið prófessórnum í góðar þarfir. Þetta er tær snilld, og vonandi fær hann greitt í samræmi við þessa visku.

 Það hefðir auðvitað engum dottið þetta í hug nema að hafa áratuga menntun að baki...

Möguleiki á allstórum skjálfta

Skrýtin mynd. Stór haus.

Það er eitthvað bogið við þessa mynd af honum Bjarna. Höfuðið risa stórt en líkaminn lítill. Er hann svona í alvöru eða er þetta eitthvað fótósjopp?

Meðan Bjarni er til umræðu, getur einhver sagt mér hvers vegna hann sem er formaður þess flokks sem fékk flest atkvæði í kosningunum er ekki forsætisráðherra?  Þykir engum nema mér það furðulegt að formaður þess flokks sem lenti í öðru sæti skuli hafa fengið forsætisráðherrastólinn? Er þetta kannski eitthvað sem mogginn vill ekki tala um? Hefur Bjarni ekkert bein í nefinu?

Sérstakt ákvæði um milliverðlagningu

Bjarni er lúser

Hvernig gat flokkurinn sem fékk flest atkvæði í kosningunum látið minni flokk fá forsætisráðherrastólinn???

 Hvernig læt ég, auðvitað blasir svarið við. Sjálfstæðisflokurinn er aulaflokkur með lúser í fararbroddi. Varla verður um það deilt þegar þessi niðurstaða blasir við.

Drottin blessi Ísland... 

„Verkið er í höfn“

Eru Talíbanar við stjórn í USA?

Getur einhver sagt mér hvenær Talíbanar náðu völdum í USA? Þeir hljóta að ráða lögum og lofum þarna úr því að konum sem dirfast að storka þeim með því að sýna líkamann er harðlega refsað.

"Sprauer var beðin, af skólastjóranum Alfred Fabrizio, að segja upp störfum sínum samstundis eftir að hún viðurkenndi að hafa tekið setið fyrir á fyrrnefndum glansmyndum."

Vonandi verður kona þessi ekki grýtt ef hún yfirgefur föðurhúsin aftur áður en hún er gift, eða sést á almannafæri án þess að vera í búrku sem hylur syndsamlegan líkamann. Vonandi fellur Fabrizio ekki aftur í þá gryfju að ráða konu sem hefur farið út fyrir hússins dyr í sundfötum. 

Kennari rekin eftir glansmyndatöku

Vilja þeir höfn eða peninginn?

Er ekki kominn tími til að sjúkleikanum ljúki og þessum tilganslausa fjáraustri hætt? Ég legg til að kostnaðurinn við að halda þessari höfn opinni í 10 ár verði reiknaður út. Síðan fái eyjamenn að velja hvort þeir vilja að höfninni verði haldið í notkun eða að peningunum verði skipt á milli þeirra. Þannig kæmi í ljós hvort það er raunverulega þess virði að halda þessu áfram.

Nú á að fara að velja skip með tilliti til þessarar hafnar. Væri ekki nær að meta fyrist hvort það borgar sig yfirleitt að halda þessari höfn við? Það væri sorglegt að kaupa skip sem hentar sérstaklega fyrir þessa höfn ef næsta dag væri ákveðið að loka höfninni.

Straumar valda Herjólfi erfiðleikum

Lítill hagvöxtur, hvers vegna?

Hvers vegna reynist íslendinum svona erfitt að bæta efnahaginn eftir hrunið? Skyldi stjórnin bera ábyrgð á þessum hægagangi? Ég fæ ekki betur séð en að hún geri það, með því að refsa fólki fyrir heiðarlega vinnu og hvetja til þess að fólk vinni svart. 

"Af Norðurlöndunum er Ísland eina landið þar sem launamenn hækka um skattþrep undir meðaltekjum. Það í bland við tekjutengingar dregur úr hvata til aukins vinnuframlags hjá hinum tekjulægri."

Ísland heltist úr lestinni

Ætti að fyllast gleði

Þeir sem binda sig tilfinningalega við dauða, breytanlega hluti eru ekki að biðja um annað en þjáningar. Fólk ætti að varast að gera slíkt og hugsa frekar um sína eigin velferð og velferð náungans. Að þurfa að eyða fjórum milljónum í málskostnað til að gera það sem sem blasti við að þurfti hvort sem er að gera er sorglegt.

Vonandi hefur Jón lært eitthvað af þessu. Hann ætti að bjóða þessum góða nágrana í kaffi og köku heim til sín og biðjast afsökunar á þrákelkninni.

Ekkert er varanlegt.

Grenitré felld eftir áralangar deilur

Réttlæti

Réttlátt væri að þeir sem framkvæma, skipuleggja og stuðla að slíkum árásum myndu fá sýrubað og síðan vinna afgang ævinnar við að afla tekna til að greiða lækniskostnað fórnarlambsins og skaðabætur.  Það myndu sennilega fáir stunda slíkt ef refsingin hæfði glæpnum. Vonandi á þessi kona einhverja góða að sem geta séð um að baða þessa hunda.

Sýruárás á unga konu í Þýskalandi