Nær væri að slátra yfirvöldum.

Heimskan er svo yfirgengileg að ég á ekki orð....

Egyptar slátra svínum

Nóg komið af þessu kjaftæði.

Ef heimska og móðursýki væru banvæn væru margir dottnir dauðir niður. Flensa er bráðsmitandi og ef þetta væri raunverulega hættulegt afbrigði væru mörg hundruð þúsund, eða milljónir nú þegar bráðveikir eða látnir. Svo er ekki svo þetta er augljóslega sauðmeinlaust öðrum en þeim sem eru gjarnir á að fá móðursýkisköst.

Sýndaraðgerðir stjórnvalda svo sem athugun á farþegum sem koma frá útlöndum og bann við flugi frá ákveðnum löndum gera meiri skaða en gang. Það er sorglegt að sjá myndir af hræddu fólki í Mexikó sem gengur um með grímur, sem eru reyndar hvort sem er taldar lítil vörn gegn flensusmiti. Enn sorglegra er að heira um hugmyndir manna í sumum löndum sem telja að slátrun svína muni gera eitthvað gang.

Alþjóða heilbrigðisstofnunin hefur staðið sig illa og fjölmiðlar hafa gert þessa mýflugu að úlfalda.

Banna flug frá Mexíkó til Kína

Bananalýðveldi

Ísland, Zimbabwe, Haiti, etc. Svona vinnubrögð tíðkast ekki annars staðar en í þriðja heims bananalýðveldum. Er Ísland kannski orðið að einu slíku?

Svikin um Fálkaorðuna

Jöfn afskrift hefur ekkert með björgun heimila að gera

Sú hugmynd að afskrifa húsnæðisskuldir jafnt hjá öllum hefur nákvæmlega ekkert með það að gera að bjarga heimilum sem eru í vanda stödd. Hún er sniðin til þess að kaupa atkvæði handa óprúttnum og óábyrgum lýðskrumurum sem ættu að skammast sín.

Það eru til heimili í landinu sem þurfa meira en 4 milljónir til að halda sér á floti. Þau eru sem betur fer í minnihluta. Meirihluti heimila hefur ekkert við þessar fjórar milljónir að gera, nema ef til vill til þess að ferðast til útlanda, kaupa stærri flatskjá eða nýjan bíl.

Það þarf að nota peningana til að hjálpa þeim sem eru raunverulega í vanda. Mikilvægast er að skapa störf handa þeim sem hafa misst atvinnuna og aðstoða þá sem eru komnir í þrot og eru að missa húsnæðið.

Hvaðan eiga þessir peningar að koma? Vonandi eru ekki margir eftir a Íslandi sem trúa því að peningar verði til úr engu. Það verður einhver að borga. Ef þessum fjármunum verður kastað á glæ með þeim hætti sem sumir vilja, þá dregur það úr líkum á að landið rétti efnahagslega úr kútnum um fyrirsjáanlega framtíð. Sá efnahagslegi skellur sem dunið hefur yfir er slæmur. Það má ekki gera hann verri með skammsýnum og vanhugsuðum aðgerðum. Ef það er gert er ekki langt í hrun á borð við það sem átti sér stað í Argentínu, alger upplausn og eyðilegging velferðarkerfisins.

Ójöfn dreifing skulda

Íslenskur efnahagur stendur vel.

Mikið er gaman að lesa svona fréttir. Eftir alla svartsýnina og rausið um að efnahagur íslands væri hruninn kemur í ljós að nóg er til af peningum. Meira að segja nóg til að hægt sé að gefa öllum sem skulda eitthvað í húsæðinu sínu fjórar milljónir eða svo, hvort sem þeir þurfa á því að halda eða ekki! Fréttir af hruninu eru greinilega stórlega ýktar.

(Hvað á að gefa þeim sem skulda ekki neitt? Sennilega spark í afturendann fyrir að vera svo heimskir að hafa greitt upp lánin sín og rukkun fyrir greiðsluna sem allir hinir fá...)

Hvaðan eiga svo þessir peningar að koma í raun og veru?  Jú, þeir eiga að koma úr hægri vasa almennings. Og hvert eiga þeir svo að fara? Jú auðvitað, í hinn vasann. Og hver á að hagnast á þessari leikfimi? Stjórnmálamenn auðvitað!

Ef keyra á ísland endanlega í þrot, koma af stað óðaverðbólgu og rýja landið fullkomlega því trausti sem það hefur eftir í útlöndum, þá er það snilldarbragð að gefa 4 milljónir á línuna, alveg tilvalið...

Eru ekki að koma kosningar annars? 

Niðurfelling skulda óhagkvæm

Hagstætt gengi krónunnar? HANDAFLSGENGIÐ

Getur einhver frætt mig um það hvernig gengi krónunnar ákvarðast? Er það ekki gert með handafli? Er gengi krónunnar raunverulega jafn hagstætt og af er látið eða ekki? Spyr sá sem ekki veit.

Eitt veit ég þó að lágt gengi krónunnar er þeim í hag sem vilja framleiða eitthvað á Íslandi og selja til útlanda. Lágt gengi er gott fyrir ferðamannaiðnað. Lágt gengi er slæmt fyrir þá sem vilja flytja inn lúxusbíla og flatskjái. Lágt gengi er slæmt fyrir þá sem vilja taka lán í útlöndum. Lágt gengi er slæmt fyrir þá sem vilja í heimsreisu.

Væri ekki "hagstæðast" að láta gengi krónunnar ráðast á frjálsum markaði? Þá myndu þeir sem á þurfa að halda, íslenskur iðnaður hagnast, en þeir tapa sem ekki þarf á að halda, þeir sem vilja flytja inn og kaupa lúxusvörur?

Eins og og var sagt í gamla daga: "Ef þú hefur ekki efni á því, þá skaltu annað hvort sleppa því að kaupa það eða SAFNA peningum þangað til þú getur borgað".

Og spurningar að lokum. Hafa íslendingar efni á þessu handaflsgengi? Er ekki bara verið að skapa stærri vandamál síðar?

Kannski ætti að nefna stjörnvöld íslands: HANDAFLSGENGIÐ og gefa þeim öllum svarta leðurjaka með þessu orði á bakinu. Ef gengið verður lækkað nógu mikið gætu þeir jafnvel líka tekið lán í jenum og keypt krómuð vélhjól undir rassinn á sér.  :Þ

Skuldir þjóðarbúsins meiri en áður var talið

Græðgin hefnir sín

Þetta fólk tók áhættu til þess að hagnast en því miður tapaði það. Sorgleg en kannski ekki alveg óvænnt niðurstaða.

"Hugmyndin var að ávöxtun sjóðanna yrði þannig að viðskiptavinurinn þyrfti ekki að greiða lánið til baka. Innkoma sjóðsins sæi um það."

Vitur maður sagði: "If it sounds too good to be true, then it usually is".

Lánin urðu að óláni

Mikill léttir af þessu

Það er þungu fargi er af mér létt við lestur þessarar fréttar. Danskar F16 þotur munu heilsa upp á oboðna gesti, á borð við leðurblökur, erni og spörfugla og væntanlega gefa þeim einn á gúmoren!

Gott að vita til þess að peningum skuli vera eitt í skynsamleg verkefni og að "Danir hafi ákveðið að greiða stærsta hluta kostnaðarins".... 

Annars er þetta regin kjaftæði, tíma og peningasóun af verstu gerð...

Loftrýmiseftirlit Dana að hefjast

Hvernig væri að ráðast í verkefni sem skapa verðmæti en ekki atkvæði?

Að skapa störf er af hinu góða. Það verður samt að leggja áherslu á að þessi störf skapi verðmæti og að þeim peningum sem varið er til þessa verkefnis sé vel varið og skili hagnaði þegar til lengri tíma er litið. Ef ekki, þá erum við bara að grafa okkur dýpra í þessa skuldaholu sem við erum í.

Ég get séð að verkefni á borð við snjóflóðavarnir, gróðursetning og grisjun og tónlistarhús geti verið til þess fallin að auka við fylgi þingamanna í þeim kjördæmum sem um er að ræða. Þau eru hins vegar ekki góð fjarfesting og munu ekki skila neinum hagnaði til baka. 

Ég held að verkefni sem snúa að samgöngum, sjávarútvegi, landbúnaði og iðnaðarframleiðslu séu best til þess fallin að skila einhverju af sér. Þó svo að menn kunni að vera vinstrisinnaðir hljóta þeir að geta séð að þjóðin þarf að hafa tekjur til að halda uppi velferðarkerfini.

Þjóðin hefur hvorki tíma né peninga til að ráðast í tapverkefni.

Ætla að skapa 4000 ársverk

Flokkakerfið er ónýtt.

Það fyrsta sem mér datt í hug þegar ég sá þetta var, að úr því að Sjálfstæðisflokkurinn fær mest fylgi, þá hljóta hinir flokkarnir að vera ömurlegir.

Mér finnst þetta benda til þess að bylting þurfi að koma til í íslenskum stjórnmálum því þessir flokkar og þetta flokkakerfi er handónýtt, mýglað og komið langt fram yfir síðasta söludag. Best væri að þetta lið færi í fiskvinnu eða eitthvað þess háttar og hleypti nýju blóði að. Þjóðstjórn sem inniheldur duglegt vel menntað fólk sem vill vel og er ekki með gamlar grýlur á bakinu er það sem ég held að þjóðin þurfi. 

Íslendingar eru ekki nema 300.000. Væri ekki rétt að gera úttekt á því hvað marga þurfi til og hve mikið það þurfi að kosta að stjórna svona fámenni? Ég yrði hissa ef niðurstaðan yrði 10% af þeirri upphæð sem nú er hennt í lið sem er ekki hæft til annars en að rífast um það hver gerði hvað árið nítjánhundruðogsúrkál.

Hvað kemur fyrir skip sem er með of þunga yfirbyggingu? Það snýr sér á hvolf og sekkur.