Myndir frá ríki rasista

Eitt er það land í heiminum þar sem foreldrar kenna ennþá börnum sínum hatur, kenna ofbeldi og kenna rasisma. Af einhverjum ástæðum er þetta látið viðgangast og önnur lönd eiga eðlileg samskipti við þetta ríki þó svo að það sé síst betra en Suður Afríka á tímum apartheid. Ef grannt er skoðað má sjá að ástandið er svipað og það var í Hitlers Þýskalandi áður en síðari heimstyrjöldin skall á.

Er von á að menn velti því fyrir sér hvað þarf að gerast til að þessu linni. Þarf þriðju heimstyrjöldina? Ég vona ekki.

Hérna eru myndir frá þessum ömurlega stað, ekki fyrir viðkvæma...

http://www.youtube.com/watch?v=M8KN7pwTb8o&feature=related

http://www.youtube.com/watch?v=QH0o_07BBk0

Um 300 milljón gæti verið sjálfbær fjöldi jarðarbúia

Ef við viljum jafnrétti meðal fólks, hvar sem það kann að búa á hnettinum og ef við viljum að allir búi við þau lífskjór sem tíðkast hjá flestum vesturlandabúum, þá ættu jarðarbúar að vera eitthvað í kringum 300 milljónir.

Við erum þessa stundina miklu fleirri. Enda búa flestir við lífskjór sem við á vesturlöndum myndum telja afleit, lélegt húsnæði, ónægur matur, slæmt eða ekkert heilbrigðiskerfi, ekkert tækifæri til ferðalaga, lítill tími til annars en að vinna sér inn fyrir lífsnauðsynjum, ekkert aflögu til að vernda umhverfið og svo framvegis...

Viljum við að jarðarbúum fjölgi áfram og dæma marga milljarða til að lifa ömurlegu fátæktarlífi og samtímis vinna stórfellt tjón á umhverfinu eða viljum við reyna að halda þessu innan einhverra skynsamlegra marka og skapa sjálfbært jafnvægi?

Ég sé enga skynsemi í öðru en að verðlauna og aðstoða fólk sem eignast fá börn og leggja hindranir í vegi þeirra sem eignast mörg.

Ég hef deilt um þetta mál við ýmsa og spurt hvað sé betra við það að vera með 7 milljarða manns eða fleirri sem lifa flestir ömurlegu fátæktar lífi eða miklu færri sem allir gætu haft það gott. Ég fæ aldrei betri rök en af því bara, eða einhverja útúrsnúninga um að það að fækka fólki sé einhvers konar nasista hugmynd um að drepa fólk í stórum stíl. Bæði rökin er jafn lítið marktæk eða uppbyggileg svo niðurstaða mín er sú að þeir sem vilja áfram stuðla að því að fólki á jörðinni fjölgi og vilji ekki gera neitt til að hvetja til minnkandi fjölskyldustærðar séu rökþrota.

(Ég get skilið að ýmsir trúar söfnuðir skuli hvetja meðlimi sína til að fjölga sér eins og kanínur og fjölga þannig í söfnuðinum og fá fleirri sem borga peninga í söfnunarkassan. Að skynsamt og vel menntað fólk skuli hins vegar kaupa slík rök ég erfitt með að fatta.)

Barnaskari Friðriks krónprins er stöðutákn

Ef þetta er satt, þá eru Steingrímur og Jóhanna búin að vera

Íslensk stjórnvöld verða að gera nákvæma grein fyrir þessu. Þeir sem bera ábyrgð á að hafna þessari tillögu verða líka að teljast ábyrgir fyrir að finna aðra jafn góða eða betri lausn. Ef ekki hafa þeir gerst sekir um glæpsamlega vanrækslu.

Það hvarflar að manni sú hugsun að Steingrímur og félagar hafi ekki viljað taka þessu kostaboði vegna þess að það hefði í eitt skipti fyrir öll sannað af hve mikilli fljótfærni og fáviski hann hefur farið fram í þessu máli. Fljótfærni sem hefði getað, og getur greinilega ennþá kostað þjóðina mörg hundruð milljarða. Ef upp kemst að þetta lið tók ekki þessu tilboði vegna þess að það hefði misst við það andlitið, þá á að stinga þeim í steininn og henda lyklinum.

Hvað sem öðru líður, þá verður að rannsaka þetta mál og allur sannleikurinn verður að koma fram. 

Vildu losa ríkið undan Icesave

Ertu ennþá með hana?

Zen munkarnir Tanzan and Ekido voru eitt sinn á ferð um forugan veg.

Þegar þeir höfðu gengið um stund í grenjandi rigningu blasti við þeim íðilfögur unglingsstulka í skrautfatnaði. Stúlkuna langaði til að fara yfir veginn en vildi ekki óhreinka fötin svo hún beið eftir aðstoð.

"Komdu upp á mig" sagði þá Tanzan. Hann tók stúlkuna á háhest og bar hana yfir forina.

Ekido mælti ekki orð af vörum fyrr en þeir komu að hofi þar sem þeir hugðust gista um nóttina. Þá gat hann ekki lengur haldi aftur af sér. "Við munkar eigum ekki að koma nálægt kvennfólki", sagði hann við Tanzan, "og sérstaklega ekki ungum og yndisfögrum! Það er mjög hættulegt, hvers vegna gerðir þú þetta"?

"Ég skildi stúlkuna eftir við veginn" sagði þá Tanzan. "Ert þú ennþá með hana?"

Sjálfstæði þjóðarinnar í hættu

Þeir sem ekki geta greitt sín gjöld glata að lokum sínu fjárhagslega sjálfstæði. Valdið yfir fjármálum þeirra færist úr þeirra höndum til lánardrotna. Þetta hafa því miður margir einstaklingar á Íslandi fengið að reyna. 

Ég hef áhyggjur af því að þjóðin sé að missa sjálfstæði sitt vegna þess að ekki tekst að koma böndum á útgjöld ríkissins. Hvers virði er eiginlega þetta sjálfstæði? Þetta er spurning sem almenningur og stjórnvöld verða að horfast í augu við. 

Er betra að vera sjálfstæð þjóð og sleppa sandkassaleik við suðurströndina, sleppa stjórnlagaþingi, fækka þingmönnum niður í 11, spara tvo milljarða í utanríksþjónustunni og fleirri annars staðar í stjórnkerfinu eða er betra að halda áfram á þessari glórulausu braut og láta að lokum erlenda lánardrotna taka völdin?

Er einhver stjórnmálamaður til sem hefur kjark og dug til þess að gera það sem gera þarf til að íslendingar haldi sínu sjálfstæði? Eru þetta eintómir einkavinavæddir rakkar sem þora ekki að gera neitt sem gæti valdið þeim óvinsælda eða traðka á tám einhverja sem þeir þekkja eða eru á einhvern annan hátt tengdir eins og svo margir á Íslandi eru?

 

Útgjöld hækka um 9 milljarða

Zen og tebollinn

Virtur háskóla prófessor heimsótti eitt sinn Zen meistara til að spyrja hann út í Zen.

Meistarinn gaf prófessornum te. Hann helti í bollann en en hét síðan áfram að hella, jafnvel þegar bollinn var fullur.

Prófessorinn gat ekki stilt sig um að segja, hættu að hella, bollinn er yfirfullur!

Meistarinn sagði þá, á sama hátt og þessi bolli er yfirfullur, þá ert þú yfirfullur af tilgátum og fordómum. Hernig get ég sýnt þér Zen ef þú tæmir ekki bollan þinn fyrst?

Hafa þeir ekkert betra við tímann að gera?

Ég hef oft velt því fyrir mér hvers vegna íslendingar þurfa að borga 63 þingmönnum laun og síðar eftirlaun. Nú er svarið komið. Þeir eru svona margir til að þeir geti framleitt meira bull.

Að hafa meira ljós á morgnana er hið besta mál. Þeir virðast samt hafa gleymt að þessu fylgir minna ljós síðdegis og á kvöldin, þegar fólk er búið í vinnu og getur farið út að dunda sér við eitthvað. Er ekki dýrmætara að hafa ljós og hita þegar við erum úti að spila golf, í göngutúr, að grilla... heldur en þegar við erum í vinnunni?

Af fréttinni að dæma er eins og teygist á dagsljósi við það að seinka klukkunni um eina klukkustund. (Talað er um meira ljós á morgnana en ekkert er minnst á seinni part dagsins og kvöldið...)  

Ég vil bend á mjög gott blogg Ómars Ragnarssonar um þetta efni.

Vilja seinka klukkunni

Ekki GPS

Í fyrsta lagi, þá eru þeir sem nota vegina þegar skattlagðir í bak og fyrir. Ég trúi ekki öðru en að skattar og gjöld sem fylgja því að kaupa og nota bifreið dugi mjög ríflega fyrir öllum vegaframkvæmdum á Íslandi.

Í öðru lagi, þá er það brot á friðhelgi einkalífs að gera yfirvöldum kleift að fylgast með því hvert fólk ekur. Það kemur Jóhönnu bara ekkert við hvert Pétur og Páll fara í sunnudagsbíltúrinn. Ef meiri peninga vantar til að byggja vegi má auðveldlega spara þá í stjórnkerfinu sem hefur vaxið eins og krabbamein, og hæfir frekar 3.000.000 manna þjóð en 300.000.

Tal um skuggagjöld óraunhæft

Til hamingju

Ég vil óska þessu ágæta fólki hamingju með bónusinn. Ég hef hins vegar áhyggjur af því að lítið verði eftir af þessu þegar tillit hefur verið tekið til skatta, útsvars og skerðingum á bótum. Að lokum fara 25.5% af því sem eftir er í vaskinn.

Nota þarf sparnaðarhnífinn í ríksirekstrinum af miklu meiri hörku en hingað til hefur verið gert. Mér finst mikilvægara að greiða fólki sem skapar verðmæti fyrir land og þjóð sómasamleg laun en að halda úti sextíuogþremur þingmönnum, að halda stjórnlagaþing, að halda úti dýrri utanríkisþjónustu og að reka stofnanir sem framleiða ekkert annað en froðu.

260 þúsund kr. jólabónus

Fúll útí Steingrím

Ég set hér og hlusta á alveg yndislegar etuder eftir Chopin og sötra te. Ég hef það fínnt en ég verð að viðurkenna að ég er fúll útí Steingrím þessa stundina. Ég trúði því virkilega að hann væri að gera góða hluti þegar hann barðist um á hæl og hnakka til að koma þjóðinni undir sinn ICESAVE samning. Ég taldi að Steingrímur þekkti málið í þaula og að hann segði satt þegar hann sagði að þetta væri besti samningur sem hægt væri að fá. Annað hefur komið í ljós.

Ástæðan fyrir þessum mistökum er sennilega sú að Steingrímur hafði ekki þá þekkingu og reynslu sem á þurfti að halda og honum láðist að leita ráða hjá aðilum sem þessa þekkingu hafa. Ég trúi því ekki að Steingrímur hafi vísvitandi gert þetta til að steypa þjóðinni inn í eitthvað kommahelvíti fátæktarinnar. Ég tel að þetta hafi verið vanræksla.

Ég verð að viðurkenna að ég hef löngum haft lítið álit á Ólafi Ragnarí Grímssyni. Hann var klappstýra útrásarinnar og hann neitaði að samþykkja fjölmiðlalögin. Að hann skyldi neita að samþykkja ICESAVE var hins vegar gott hjá honum og ég get ekki annað en sagt; takk fyrir það Herra Ólafur og hneygt mig.

Ég fæ ekki betur séð en að mistök og eða vanræksla Steingríms í þessu máli séu af þeirri stærðargráðu að hann hafi glatað þeirri tiltrú sem maður í hanns stöðu þarf á að halda. Af þessum sökum fyndist mér rétt að hann segi af sér og snúi snéri sér að öðrum störfum.

Kostnaður 50 milljarðar